+7 (701) 759 90 19 Лента
11 °С : استانا
26 °С : الماتى
USD 328.95 EUR 386.38
RUB 5.27 CNY 51.50
جاڭالىقتار

بۇگىن ەلوردادا استانا ەكونوميكالىق فورۋمى باستالادى

17 مامىر 09:52 396
:ءبولىسۋ
بۇگىن ەلوردادا استانا ەكونوميكالىق فورۋمى باستالادى

استانا. قازاقپارات - بۇگىن استانادا Global Challenges Summit 2018 فورۋمى باستالادى، دەپ حابارلايدى قازاقپارات.

ەكونوميكالىق دامۋ جانە رەسۋرستىق تۇراقتىلىق، سيفرلاندىرۋ جانە ۋربانيزاتسيا، ۇزاق ءومىر ءسۇرۋ جانە قارجى توڭكەرىسى، جاھاندىق قاۋىپسىزدىك جانە مادەني ورلەۋ - وسىناۋ جالپى ادامزاتتىق تەندەنتسيالاردىڭ ءبارى جاڭعىرعان استانا ەكونوميكالىق فورۋمى Global Challenges Summit 2018 باعدارلاماسىنىڭ وزەگىن قۇراپ وتىر.

ۇلتتىق ەكونوميكا ءمينيسترى تيمۋر سۇلەيمەنوۆ مالىمدەگەنىندەي، 2018-جىلى فورۋمعا الەمنىڭ ءتۇرلى ەلدەرىنەن 500 گە جۋىق سپيكەر قاتىسىپ، رەكوردتىق كورسەتكىشكە جەتەدى. بيىل توپ-سپيكەرلەردىڭ اراسىندا فرانسيانىڭ بۇرىنعى پرەزيدەنتى فرانسۋا وللاند، ب ۇ ۇ- نىڭ بۇرىنعى باس ديرەكتورى پان گي مۋن، دۇنيەجۇزىلىك بانكتىڭ ەۋروپا جانە ورتالىق ازيا جونىندەگى باس ەكونوميسى گانس تيممەر سىندى ەسىمدەر بار.

«سپيكەرلەردىڭ اراسىندا ساياساتكەرلەر، تەحنولوگتار، تەحنولوگيا الەمىنىڭ ليدەرلەرى، دەنساۋلىق ساقتاۋ جانە رەسۋرستاردى پايدالانۋ سالالارىنىڭ وكىلدەرى بار. كوپشىلىگىڭىزگە ستيۆ ۆوزنياك، ميتيو كاكۋ ەسىمدەرى تانىس شىعار. بۇل جەردە كومپانيالاردىڭ وزدەرى ەمەس، ولاردىڭ قالاي قۇرىلعانى، ءبىزدىڭ ەلدە قانداي يدەيالاردى العا تارتاتىنى ماڭىزدى»، - دەدى مينيستر.

فورۋمنىڭ العاشقى ەكى كۇنى كۇن تارتىبىندەگى جاھاندىق ماسەلەلەرگە ارنالادى، ءۇشىنشى كۇنى سپيكەرلەر ق ر ۇكىمەتىنىڭ، ساراپشىلار قوعامداستىعىنىڭ وكىلدەرىمەن التى باعىت بويىنشا جۇمىس جۇرگىزەدى.

«بۇل ءبىز ناقتى ساباق الۋىمىزعا بولاتىن پراكتيكۋم»، - دەگەن بولاتىن ت. سۇلەيمەنوۆ.

كونگرەستىڭ 10 جىلدىق جۇمىسى بارىسىندا وعان الەمنىڭ 150 ەلىنەن 50 مىڭ دەلەگات، سونىڭ ىشىندە 20 دان استام نوبەل سىيلىعىنىڭ يەگەرلەرى، 30 دان استام شەتەلدىك جوعارى دەڭگەيلى ساياسي قايراتكەرلەر كەلگەن.

كونگرەسس اياسىندا جالپى قۇنى 20 ميلليارد دوللاردان اسىپ جىعىلاتىن 300 دەن استام مەموراندۋم جانە كەلىسىمدەرگە قول قويىلدى.

ءار جىلدارى فورۋمدا الەمدىك دەڭگەيدەگى ساياساتكەرلەر، عالىمدار، ەكونوميستەر، جۋرناليستەر جانە قوعام قايراتكەرلەرى، حالىقارالىق ۇيىمداردىڭ، قارجى ينستيتۋتتارىنىڭ، بيزنەس-ەليتانىڭ وكىلدەرى سپيكەر بولدى.


:ءبولىسۋ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
باقىتجول كاكەش
باقىتجول كاكەش
954-049
مۇراعات