10:10, 17 - مامىر 2018 | GMT +6
بەيبىت شۇمەنوۆتىڭ جەكپە- جەگىن وتاندىق ارنالار تىكەلەي ەفيردەن كورسەتەدى
استانا. قازاقپارات - بەيبىت شۇمەنوۆتىڭ جەكپە-جەگىن «Qazaqstan» جانە «Qazsport» تەلەارنالارى تىكەلەي ەفيردە كورسەتەدى، دەپ حابارلايدى قازاقپارات.
بۇل تۋرالى «Qazsport» ارناسىنىڭ رەسمي سايتى ءمالىم ەتتى.
WBA تۇجىرىمى بويىنشا جارتىلاي اۋىر جانە ءبىرىنشى اۋىر سالماقتاردا الەمنىڭ ەكس-چەمپيونى بەيبىت شۇمەنوۆ رينگكە 7- شىلدەدە استاناداعى بوكس كەشىندە ورالادى. وتانداسىمىز WBA تۇجىرىمى بويىنشا ءبىرىنشى اۋىر سالماقتاعى الەم چەمپيونى تيتۋلىن ساراپقا سالادى.
قازاقستاندىق بوكسشىنىڭ قارسىلاسى تۇركيالىق بوكسشى حيزني التۋنكاي. ول كاسىپقوي بوكستا 31 جەكپە- جەك وتكىزىپ، تەك بىرەۋىندە عانا جەڭىلگەن.
اۆتور: كۇنسۇلتان وتارباي