پاۆلوداردا «قازاقشاڭىز قالاي؟» اكسياسى ءوتتى
بۇل تۋرالى وبلىستىق تىلدەردى دامىتۋ جونىندەگى باسقارماسىنىڭ ءبولىم مامانى سامات قۇشماعۇلوۆ ايتتى، دەپ حابارلايدى pavlodarnews.kz.
«شارا ادام كوپ جۇرەتىن «ماناقباي» ساۋدا ۇيىنەن باستالدى. وعان «سەرپىن» باعدارلاماسى بويىنشا ءبىلىم الىپ جاتقان پاۆلودار مەملەكەتتىك پەداگوگيكالىق ۋنيۆەرسيتەتىنىڭ بەلسەندى ستۋدەنتتەرى اتسالىستى. بارلىعى 40 شاقتى ادام قامتىلدى»، - دەيدى سامات قۇشماعۇلوۆ.
قالا تۇرعىندارىنا جاستار مەن باسقارما ماماندارى وبلىستىڭ 80 جىلدىعىنا وراي ءوڭىر تاريحى، قازاقتىڭ بەلگىلى اقىندارى مەن بيلەرى، ايماقتاعى تانىمال تۇلعالار، كەڭەس وداعى باتىرلارىنىڭ ەسىمدەرىمەن اتالعان كوشەلەر تۋرالى سۇراقتار قويعان. سونىمەن قاتار، «رۋحاني جاڭعىرۋ» مەملەكەتتىك باعدارلاماسى مەن قازاقستان حالقى اسسامبلەياسىنىڭ ماڭىزدىلىعى بويىنشا ساۋالناما جۇرگىزىلدى.
سۇراقتارعا ەڭ بەلسەندى جاۋاپ بەرگەن، مەملەكەتتىك ءتىلدى مەڭگەرۋ دەڭگەيى جوعارى قاتىسۋشىلارعا مۇحتار اۋەزوۆتىڭ «اباي جولى» رومان- ەپوپەياسى، بەيىمبەت مايليننىڭ «شۇعانىڭ بەلگىسى» پوۆەسى سياقتى بەلگىلى جازۋشىلاردىڭ تۋىندىلارى تۇسىرىلگەن ەلەكتروندى كىتاپتار سىيعا تارتىلدى.