بۇگىن ەل اۋماعىنىڭ باسىم بولىگىندە جەل كۇشەيىپ، تۇمان تۇسەدى

استانا. قازاقپارات - اتموسفەرالىق اعىنداردىڭ وتۋىنە بايلانىستى قازاقستاننىڭ كەي جەرلەرىندە جاڭبىر جاۋىپ، نايزاعاي جارقىلدايدى، تەك باتىستا جاۋىن- شاشىنسىز اۋا رايى كۇتىلەدى. رەسپۋبليكانىڭ كەي جەرلەرىندە جەل كۇشەيەدى، تۇمان ءتۇسۋى ىقتيمال، دەپ حابارلايدى «قازگيدرومەت» ر م ك.

جامبىل وبلىسىنىڭ كەي جەرلەرىندە تۇمان، جەلدىڭ كۇشەيۋى 15-20 م/س، بۇرشاق جاۋۋى مۇمكىن. اقمولا، پاۆلودار، قوستاناي، قاراعاندى، شىعىس قازاقستان وبلىستارىنىڭ كەي جەرلەرىندە تۇمان ءتۇسىپ، جەلدىڭ جىلدامدىعى 15-20 م/س جەتەدى.

سولتۇستىك قازاقستان، تۇندە جانە تاڭەرتەڭ وڭتۇستىك قازاقستان وبلىستارىندا دا جەلدىڭ ەكپىنى 15-20 م/س بولادى.