ورازا كەزىندە ادام اعزاسى قانداي وزگەرىستەرگە ۇشىرايدى
مۇنداي ورازا ادام دەنساۋلىعى ءۇشىن پايدالى بولۋى مۇمكىن بە؟ بۇل تۋرالى BBC عا سىلتەپ، Stan.kz اقپاراتتىق اگەنتتىگى حابارلايدى.
ورازانىڭ العاشقى ەكى كۇنى ەڭ قيىن بولادى. سەبەبى ادامنىڭ دەنەسى سوڭعى تاماقتانۋدان 8 ساعات وتكەننەن كەيىن ەرەكشە كۇيگە ەنەدى. ءدال وسى ۋاقىتتا ادام اعزاسى تاعامنان الىنعان قورەكتىك زاتتاردى ءسىڭىرۋدى توقتاتادى. وسىدان كەيىن دەنە باۋىر مەن بۇلشىق ەتتەردەگى ارتىق گليۋكوزالاردان كۇش الا باستايدى. ال بۇل ارتىق گليۋكوزالار تاۋسىلعاندا، اعزا ومىرگە قاجەتتى ەنەرگيا الۋ ءۇشىن دەنەدە جينالعان مايدى وڭدەۋگە كوشەدى.
دەنەدەگى ماي ىدىراي باستاعاندا، ادام سالماق تاستايدى. سودان حولەستەريننىڭ دەڭگەيى تومەندەپ، ادام قانت ديابەتىنە شالدىعۋى ابدەن مۇمكىن. الايدا، قانت دەڭگەيىنىڭ تومەندەۋى ورگانيزمنىڭ السىزدىگىنە جانە ۇيقىشىلدىققا اكەلەدى. ورازا كەزىندە اۋىزدان جاعىمسىز ءيىس شىعىپ، باس اۋىرىپ، جۇرەك اينۋى مۇمكىن. وسىنداي ۋاقىتتا اشتىق دەڭگەيى سىني نۇكتەگە جەتەدى.
ال ورازانىڭ 3-7 كۇندەرى اعزا اشتىققا ۇيرەنە باستايدى. بۇل ۋاقىتتا دەنەدەن ماي ءبولىنىپ، ول قانداعى قانتقا اينالادى. ورازا كەزىندە كوپ سۇيىقتىق ىشكەن ءجون.
ءسىزدىڭ تاعامىڭىزدا دەنەنىڭ ەنەرگياسىن ساقتاۋ ءۇشىن كومىرسۋلار مەن مايلار جەتكىلىكتى بولۋى كەرەك. بۇل ۋاقىتتا قورەكتىك زاتتاردى، اقۋىزداردى، تۇزداردى جانە سۇيىقتىقتاردى قامتيتىن تەڭدەستىرىلگەن ديەتانى ساقتاۋ وتە ماڭىزدى.
سونداي- اق، ورازا ۇستاۋدىڭ ءۇشىنشى كەزەڭىندە، ياعني 8-15 كۇندەرى ءسىز دەنەنىڭ اشتىققا ۇيرەنىپ كەتكەنىن بايقاعايسىز.
كەمبريدجدەگى ادەنبروكس اۋرۋحاناسىندا انەستەزيا جانە قارقىندى تەراپيا بويىنشا كەڭەسشى دارىگەر رازين مارۋفتىڭ پايىمداۋىنشا، ورازانىڭ باسقا دا ارتىقشىلىقتارى بار.
«كۇندەلىكتى ومىردە ءبىز دەنەنى قالپىنا كەلتىرۋ سياقتى كەيبىر فۋنكتسيالاردى ورىنداۋعا كەدەرگى كەلتىرەتىن تىم كوپ كالوريالاردى ءجيى الامىز. ال بۇل تەڭگەرىمسىزدىك ورازا كەزىندە تۇزەتىلىپ، دەنەنى ءار ءتۇرلى فۋنكتسيالارعا اۋدارۋعا مۇمكىندىك بەرەدى» ، - دەيدى ول.
ال ورازانىڭ ەكىنشى جارتىسىندا، ياعني 16-30 كۇندەرى دەنە تولىعىمەن اشتىققا بەيىمدەلەدى. وسى كەزەڭدە ءسىزدىڭ توق ىشەگىڭىز، باۋىرىڭىز، بۇيرەك جانە تەرىڭىز تولىق دەتوكسيكاتسيا پروتسەسىنەن وتەدى.
«وسى كەزەڭدە اعزانىڭ فۋنكتسيونالدىلىعى جۇمىس ىستەۋ قابىلەتىنىڭ ەڭ جوعارى دەڭگەيىنە جەتۋى كەرەك. سونىڭ ناتيجەسىندە، ەسكە ساقتاۋ قابىلەتى مەن كونتسەنتراتسيا جاقسارىپ، كۇش- قۋاتىڭىز كوپ بولادى» ، - دەپ تۇسىندىرەدى مارۋف.
دارىگەر مارۋفتىڭ ايتۋىنشا، ورازا ءبىر جاعدايدا عانا پايدالى.
«ورازا ۇستاۋ پايدالى. سەبەبى، ول تاماقتانۋ تۋرالى حاباردار بولۋىمىزعا كومەكتەسەدى. ءبىراق ورازانى ءبىر اي عانا ۇستاۋ كەرەك. ونى اي سايىن ۇستاۋدىڭ قاجەتى جوق» ، - دەپ ەسكەرتەدى ول.
«ۇزدىكسىز اشتىق سالماق تاستاۋدىڭ ءتيىمدى جولى ەمەس. سەبەبى ءسىزدىڭ دەنەڭىز مايدان كۇش الۋىن دوعارىپ، ونىڭ ورنىنا بۇلشىق ەتتەن كۇش- قۋات الۋعا كوشەدى» ، - دەپ ەسكەرتتى ول.