+7 (701) 759 90 19 Лента
-1 °С : استانا
9 °С : الماتى
USD 366.43 EUR 420.11
RUB 5.58 CNY 52.87
جاڭالىقتار

بالا يممۋنيتەتىن كوتەرۋدىڭ ءتيىمدى جولدارى

17 مامىر 03:13 1041
:ءبولىسۋ
بالا يممۋنيتەتىن كوتەرۋدىڭ ءتيىمدى جولدارى

 استانا. قازاقپارات - بالاڭىزدىڭ يممۋنيتەتى تومەندەپ، السىزدىكتى سەزىنىپ جۇرسە، وندا ءدارىحاناداعى قۇرامىندا حيميكاتى بار دارۋمەندەر مەن دارىلەرگە جۇگىرمەي، ءبىر اۋىق ونىڭ تۇتىناتىن تاعامىنا كوڭىل ءبولىڭىز.

 كەز كەلگەن ءۇيدىڭ اس بولمەسىنەن تابىلاتىن مىنا تومەندەگى تاعامداردى بالاڭىزدىڭ تاماقتانۋ مازىرىنە قوسساڭىز، وڭ ناتيجەسىن كورۋگە بولادى.

 پياز بەن سارىمساق

پياز بەن سارىمساق بالانىڭ يممۋنيتەتىن كوتەرۋگە كومەكتەسەتىن ەڭ جاقسى ازىق- تۇلىك. الايدا ونى كىشكەنتايلار وڭايلىقپەن جەي قويمايدى. ونىڭ ۇستىنە پيازدىڭ دا، سارىمساقتىڭ دا وتكىر ءيىسى بار ەكەنىن بەلگىلى. الايدا ءسابيىڭىزدىڭ دەنساۋلىعى مىقتى بولسىن دەسەڭىز، مىناداي تاسىلدەرمەن وعان پياز بەن سارىمساقتى جەگىزۋگە تىرىسىڭىز. مىسالى، كوك پيازدى مايدالاپ تۋراپ، سورپاعا قوسىپ جىبەرۋگە بولادى. ال سارىمساقتى ءبىر ءتىلىم نانعا قوسىپ بەرىڭىز. سوسىن پياز بەن سارىمساقتى ءبىر ىدىسقا تۋراپ سالىپ، بولمەنىڭ ءار جەرىنە قويىپ قويۋ كەرەك. سونىمەن قاتار بۇل كوكونىستەردى بالانىڭ موينىنا تاعىپ تا پايداسىن كورۋگە بولادى. ەسىڭىزدە بولسىن، بالانىڭ جاتار ورنىنا سارىمساق پەن پيازدى تىم جاقىن قويۋدىڭ قاجەتى جوق.

بال مەن ليمون

بالاڭىزدىڭ ەگەر دە تاتتىلەرگە، ونىڭ ىشىندە بالعا اللەرگياسى بولماسا بال يممۋنيتەتتى كوتەرەتىن ەڭ كۇشتى امال بولىپ تابىلادى. اسىرەسە ونىڭ جوكە اعاشىنان نەمەسە قاراقۇمىقتان الىنعان ءتۇرى وتە پايدالى. مۇنداي بالدى سابيىڭىزگە كۇنىنە 1 شاي قاسىقتان بەرىپ وتىرۋ قاجەت. سونىمەن قاتار ليمون شىرىنى مەن بال قوسىلعان سۋسىن دا بالانىڭ يممۋنيتەتىن كوتەرەتىن ءتيىمدى ادىستەردىڭ ءبىرى. بالدى شايعا قوسىپ تا نەمەسە جاڭعاقپەن ارالاستىرىپ جەگىزۋگە بولادى. وسىمدىكتەر مەن جيدەكتەر جوكە گۇلى مەن تۇيمەداقتان دايىندالعان قايناتپالار بالانىڭ يممۋندىق جۇيەسىن نىعايتىپ، ونىڭ پايداسىن كورۋگە بولادى. بۇل وسىمدىكتەردى شاي سەكىلدى دەمدەپ، ءبىر قاسىق بالمەن ارالاستىرىپ ىشكىزۋ كەرەك. سونىمەن قاتار جوكە گۇلى مەن تۇيمەداق قايناتپاسىن ءسابيدىڭ شومىلاتىن سۋىنا قوسىپ، بالانى شومىلدىرۋعا بولادى. بۇدان بولەك يتمۇرىندى تەرموسقا سالىپ، ۇستىنەن قايناعان سۋ قۇيىپ دەمدەيسىز دە، بالاڭىزعا سۋسىن رەتىندە بەرىپ وتىراسىز. مۇنداي شوپتەس وسىمدىكتەرمەن قوسا جيدەكتەر دە بالا يممۋنيتەتىن كوتەرەدى.

بالالارعا كوبىنە قۇلپىناي، تاڭقۋراي، مۇكجيدەك، بۇلدىرگەن سىندى جيدەكتەردى بەرگەن دۇرىس. قىشقىل ءسۇت ونىمدەرى قىشقىل ءسۇت ونىمدەرىنىڭ بالا اعزاسىنا تيگىزەر پايداسى وتە زور. ونىڭ ۇستىنە ءمۇنداي ونىمدەر اسقازان- ىشەك جولدارىنا تۇسكەن نەبىر ميكروبتارمەن كۇرەسىپ، باكتەريالاردى ولتىرەدى ەكەن.

 قىشقىل ءسۇت ونىمدەرىنىڭ ىشىنەن ايران مەن يوگۋرتتى ەڭ پايدالى اس دەپ اتاۋعا بولادى. ءبىر كۇندە 1 ستاقان ايران ىشكەن بالانىڭ يممۋنيتەتى دە السىرەمەيدى. ونىڭ ورنىنا كەرىسىنشە، بالانىڭ سۇيەكتەرى قاتايىپ، تابەتى اشىلا تۇسەدى. بالىق مايى بالىق مايىنىڭ ءدامى جاقسى بولماعانىمەن، يممۋنيتەتتى كوتەرۋدە اسەرى كۇشتى. ونىڭ ۇستىنە بۇگىنگى تاڭدا بالىق مايىنىڭ دارىلىك تۇرلەرى كەڭىنەن شىققان. قۇرامىنداعى ا جانە د دارۋمەندەرى مەن پايدالى زاتتاردىڭ، مايلى قىشقىلداردىڭ ارقاسىندا بالىق مايى اۋرۋشاڭ بالالارعا تاپتىرماس ەم بولا الادى. الايدا ەستە ۇستاۋ قاجەت ءبىر نارسە بار، ول بالىق مايىن تەك ءوز مولشەرىنە ساي ەتىپ قانا بەرۋ كەرەك. مولشەرىن ارتىق نە كەم بەرگەن جاعدايدا ونىڭ پايداسى ەمەس زيانى ءتيىپ كەتۋى مۇمكىن. سول سەبەپتى جەكە دارىگەرمەن كەڭەسكەن ابزال.

جەمىس شىرىندارى كوكونىستەر مەن جەمىستەردەن دايىندالعان شىرىندار س دارۋمەنى مەن ءتۇرلى اعزاعا پايدالى دارۋمەندەرگە باي بولعاندىقتان، ولار يممۋنيتەتتى كوتەرۋگە اسەرى وتە كۇشتى. تەك مۇنداي شىرىنداردى شىرىنسىققىشپەن سىعىپ، سول مەزەتتە بالاعا ىشكىزۋ قاجەت. وسىلايشا بالا اعزاسىن نىعايتىپ، اۋرۋدىڭ الدىن الاسىز. جاڭعاقتار مەكتەپ جاسىنا دەيىنگى بالالاردىڭ يممۋنيتەتىن جاڭعاق جاقسى كوتەرەدى. گرەك جاڭعاعىن نەمەسە بادام جاڭعاعىنىڭ ءبىر ۋىسىن جەگەن بالانىڭ كۇشى نىعايىپ، يممۋنيتەتى جوعارىلايدى، ءارى ميدىڭ جۇمىسى جاقسارا تۇسەدى. سونىمەن قاتار جاڭعاق پەن كەپتىرىلگەن جەمىستەر قوسىلعان ءتۇرلى ارالاسپالار مەن جەمىس- جيدەكتەر قوسىلعان يوگۋرتتار دا بالا دەنساۋلىعى ءۇشىن وتە پايدالى.

Massaget.kz


باستى سوزدەر: قوعام,
:ءبولىسۋ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
مۇراعات