ورداباسى تاۋىنا ءۇش ءبيدىڭ ەسكەرتكىشى ورناتىلۋدا

None
None
 شىمكەنت. قازاقپارات - ورداباسى تاۋىنىڭ بيىگىنە ءۇش ءبيدىڭ ەسكەرتكىشى ورناتىلۋدا. بۇگىندە قۇرىلىس جۇمىستارى قارقىن العان اتالعان جوبانىڭ جۇمىسىمەن وبلىس اكىمى جانسەيىت تۇيمەبايەۆ ارنايى بارىپ تانىسىپ قايتتى، دەپ حابارلايدى قازاقپارات ءتىلشىسى.

ايماق باسشىسىنىڭ باستاماسىمەن قولعا الىنعان جوبا اياسىندا ءۇش بي ەسكەرتكىشى مەن كەلۋشىلەر ءۇشىن جاياۋ جۇرگىنشىلەر جانە اۆتوموبيل جولدارى سالىناتىن بولادى. وسىلايشا تاريحي ايماق جاڭعىرتىلا وتىرىپ، تۋريستەر كەلىپ تاماشالايتىنداي اباتتاندىرىلعان ورىنعا اينالماق.

null 

 «ورداباسى تاۋى - حالىق كەلىپ رۋحاني تىنىعاتىن، رۋح جينايتىن، ويىن تازارتاتىن ورىن بولۋى كەرەك. سوندىقتاندا مۇنداعى ءاربىر جۇمىسقا نازار سالىپ، قۇرىلىستى ساپالى جۇرگىزۋدى تاپسىرامىن»، - دەدى وبلىس اكىمى.

وبلىستىق ساۋلەت جانە قالا قۇرىلىسى باسقارماسىنىڭ مالىمەتىنشە، ءۇش ءبيدىڭ ەسكەرتكىشى قورىقتىڭ ەڭ بيىك نۇكتەسىنە ورناتىلاتىن بولادى. نىساننىڭ بيىكتىگى 17 مەتردى قۇرايدى. جالپى قورىق اۋماعىندا جوسپارلانعان جوبالاۋ جۇمىستارى 85,9 گەكتاردى قامتيدى. ونىڭ ىشىندە جاياۋ جۇرگىنشىلەرگە ارنالعان جول ۇزىندىعى 2415,4 مەتردى، ال اۆتوموبيل جولىنىڭ ۇزىندىعى 3129,5 مەتردى قۇرايتىن بولادى. سونىمەن قاتار، جوبانىڭ ەكىنشى كەزەڭىندە مۇندا ەتنوقالاشىق، مۋزەي مەن امفيتەاتر سالۋ جوسپارلانۋدا.

 ەسكە سالساق، بيىل ءۇش ءجۇزدىڭ باسىن قوسقان ورداباسىدا تۇركى تىلدەس ءۇش ەلدىڭ باسشىلارىنىڭ باس قوسقاندارىنا 25 جىل تولادى. 1993 -جىلى قازاقستان، وزبەكستان جانە قىرعىز رەسپۋبليكاسىنىڭ پرەزيدەنتتەرى وسى تاريحي ورىندا كەزدەسكەن ەدى.

اۆتور: اينۇر اقبايەۆا

null 

null 

سوڭعى جاڭالىقتار