19:05, 16 - مامىر 2018 | GMT +6
الماتى - تالدىقورعان تاس جولى اقىلى بولادى
استانا. قازاقپارات - تالدىقورعان. قازاقپارات - الماتى - تالدىقورعان تاس جولى اقىلى بولماق. بۇل تۋرالى بۇگىن تالدىقورعاندا «قازاۆتوجول» ا ق فيليالى وتكىزگەن قوعامدىق تالقىلاۋدا بەلگىلى بولدى، دەپ حابارلايدى قازاقپارات ءتىلشىسى.
شارانى ۇيىمداستىرۋشىلاردىڭ سوزىنە سۇيەنسەك، كەلەر جىلعا دەيىن تالدىقورعان ماڭىندا ارنايى تەرمينال تۇرعىزىلماق. اتالعان ماسەلەگە قاتىستى وبلىس اكىمدىگى پىكىر ءبىلدىردى.
«بۇل جول رەسپۋبليكالىق ماڭىزعا يە تراسسا بولىپ تابىلعانىمەن وسى جول ارقىلى تالدىقورعانعا جاقىن ەلدىمەكەندەردە ءومىر سۇرەتىن ازاماتتار كۇندەلىكتى قاتىنايدى. جولدىڭ اقىلى بولۋى سول ازاماتتارعا سالماق سالماۋى ءتيىس. وبلىس اكىمدىگى وزگە وڭىرلەردەگى ۇزدىك تاجىريبەگە نەگىزدەلگەن ۇتىمدى ءارى ءتيىمدى ءادىستى پايدالانۋعا نيەتتى. بۇل تەرمينالدىڭ قۇرىلىسى 2019 -جىلى اياقتالادى دەپ كۇتىلۋدە» ، - دەدى الماتى وبلىسى اكىمىنىڭ باسپا ءسوز حاتشىسى عالىمۇرات جۇكەل.