اقتاۋعا كىرەبەرىس جولدار كەڭەيتىلەدى

 اقتاۋ. قازاقپارات - الداعى ۋاقىتتا اقتاۋعا باعىتتالعان جولدار كەڭەيتىلىپ، 4 جولاقتى بولادى. ەلدى مەكەندەردەن قالاعا باعىت العان جولاۋشىلار 1-ساناتتى تاس جولمەن قاتىنايدى، دەپ حابارلايدى قازاقپارات ءتىلشىسى.

 بۇل تۋرالى اقتاۋ قالالىق جولاۋشىلار كولىگى جانە اۆتوموبيل جولدارى ءبولىمى باسشىسىنىڭ ورىنباسارى بەكسۇلتان شالابايەۆ ءمالىم ەتتى.

جوبا وبلىس اكىمى ەرالى توعجانوۆتىڭ باستاماسىمەن قولعا الىنادى. قاراجات جەرگىلىكتى بيۋدجەتتەن بولىنبەك.

 الدىمەن، اقتاۋ- جاڭاوزەن باعىتىنداعى تاسجولدىڭ قالاعا كىرەر بولىگى كەڭەيتىلەدى. قازىرگى كەزگە دەيىن 23, 24, 28 ا شاعىن اۋدان بۇرىلىسىنا دەيىن قۇرىلىس باستالعان. وعان بيۋدجەتتەن 1 ميلليارد 708 ميلليون تەڭگە بولىنگەن.

ال، اقتاۋ - اقشۇقىر باعىتى تاس جولىن كەڭەيتۋ ءۇشىن جوبالىق- سمەتالىق قۇجاتتارى دايىندالىپ، وزگەرىستەر ەنگىزىلۋدە.

اۆتور: ايگەرىم اشىقبايەۆا