استانادا تەڭىزگە شىعا المايتىن دامۋشى ەلدەر مينيسترلەرىنىڭ كەزدەسۋى ءوتتى

استانا. قازاقپارات - بۇگىن استانادا ساۋدا جانە كولىك ماسەلەلەرى بويىنشا تەڭىزگە شىعا المايتىن دامۋشى ەلدەر مينيسترلەرىنىڭ كونفەرەنسياسى ءوتتى،

 دەپ حابارلايدى قازاقپارات ق ر ينۆەستيتسيالار جانە دامۋ مينيسترلىگىنىڭ باسپا ءسوز قىزمەتىنە سىلتەمە جاساپ.

ءىس- شاراعا تەڭىزگە شىعا المايتىن دامۋشى 32 ەلدەن كولىك جانە ساۋدا مينيسترلەرى قاتىستى. سونداي- اق ب ۇ ۇ- نىڭ باسقا دا حالىقارالىق، وڭىرلىك جانە وڭىرگە قاراستى ۇيىمدار مەن قارجى ينستيتۋتتارى، جەكە سەكتور وكىلدەرى، ۇكىمەتتىك ەمەس ۇيىمدار، عىلىمي ورتا جانە باسقا دا مۇددەلى تاراپتار جوعارى رەسمي دەڭگەيدە قاتىسۋعا شاقىرىلدى.

وتىرىس بارىسىندا تەڭىزگە شىعا المايتىن دامىپ كەلە جاتقان ەلدەردەگى قول جەتكىزىلگەن جەتىستىكتەردى، سىن- تەگەۋرىندەردى، كولىكتىك بايلانىستى دامىتۋ مۇمكىندىكتەرى مەن وزىق تاجىريبەلەردى، سونىمەن قاتار ۆەنا ءىس- ارەكەت باعدارلاماسىن قابىلداۋدان كەيىنگى قاتتى جانە جۇمساق ينفراقۇرىلىمدى تالقىلادى.

 ق ر ينۆەستيتسيالار جانە دامۋ ءمينيسترى جەڭىس قاسىمبەكتىڭ العى سوزىنە سايكەس، الەمدە تەڭىزگە شىعا المايتىن 48 ەل بار. ولار دۇنيەجۇزىلىك ساۋدا اينالىمىنىڭ %90 باسىم بولىگىن قۇرايتىن تەڭىزدىك ساۋدا مۇمكىنشىلىگىنەن ايىرىلعان.

وسىمەن بىرگە، قازاقستان سىرتقى ساۋدا كولەمىن ۇلعايتۋدا، بۇل ءوز كەزەگىندە زاماناۋي كولىك ينفراقۇرىلىمىنىڭ قالىپتاسۋىنىڭ تىكەلەي كورسەتكىشى بولىپ تابىلادى.

 بۇگىنگى كۇندە قىتايدان قازاقستان ارقىلى ەۋروپاعا جۇكتەر 15 تاۋلىكتە تاسىمالدانادى، ال وڭتۇستىك تەڭىز باعىتىمەن بۇل مەرزىم 2 ايعا جۋىق ۋاقىتتى قۇرايدى.

ءمينيستردىڭ ايتۋىنشا، قازاقستانمەن اتقارىلىپ كەلە جاتقان جۇمىستار تولىعىمەن 2030 -جىلعا قويىلعان تالاپتارعا ساي كەلەدى، وسىلايشا تۇراقتى دامۋدىڭ جوسپارى دامىپ كەلە جاتقان ەلدەردىڭ پروگرەسى مەن بولاشىعىنا تىكەلەي ىقپال ەتەدى.

«تۇراقتى كولىك نەگىزگى فاكتور بولىپ تابىلاتىنىن تۇسىنەمىز، سوندىقتان سوڭعى ەكى جىلدا وتكەن كولىك جانە ساۋدا بويىنشا تەڭىزگە شىعا المايتىن دامۋشى ەلدەردىڭ جوعارعى دەڭگەيدەگى وتىرىستارىنىڭ ماڭىزدى ۇسىنىستارىن ەسكەرۋ قاجەت»، - دەدى مينيستر.

ساۋدا- ساتتىقتى جەڭىلدەتۋ بويىنشا د س ۇ- نىڭ كەلىسىمىن جۇزەگە اسىرۋدى جەدەلدەتۋ ماسەلەلەرى تالقىلاندى.

 مينيسترلىك كونفەرەنسياسىنىڭ بارىسىندا دەكلاراتسياعا قول قويىلدى. ونىڭ شەڭبەرىندە ترانزيتتىك كولىك ينفراقۇرىلىمىن دامىتۋ، اۆتوجولداردا، تەمىرجولدا، پورتتاردا، ىشكى سۋ جولدارىندا، مۇناي قۇبىرلارىندا، اۋە كولىگىندە فيزيكالىق ينفراقۇرىلىمدى دامىتۋ سالالارىندا العا جىلجۋ كوزدەلگەن.