قازاقستان گازا سەكتورىنداعى زورلىق- زومبىلىقتى توقتاتۋعا شاقىرادى
قازاقستاننىڭ بىرىككەن ۇلتتار ۇيىمى جانىنداعى تۇراقتى وكىلى قايرات وماروۆ ءوز سوزىندە قازاقستان رەسپۋبليكاسى يزرايل مەملەكەتى مەن گازا سەكتورى شەكاراسىندا پالەستينالىقتاردىڭ نارازىلىق شەرۋىن باسۋعا بايلانىستى بەيبىت تۇرعىندار اراسىنداعى قۇرباندار تۋرالى حاباردى تەرەڭ الاڭداۋشىلىقپەن قابىلداعاندىعىن اتاپ ءوتتى.
«قازاقستان رەسپۋبليكاسى حالىقارالىق قوعامداستىقتى كوپتەگەن قۇرباندىققا الىپ كەلگەن زورلىق- زومبىلىقتى دەرەۋ توقتاتۋعا باعىتتالعان جان- جاقتى شارالاردى قابىلداۋعا شاقىرادى»، - دەپ مالىمدەدى ق. وماروۆ.
قازاقستان، سونىمەن قاتار، ەكى تاراپتى بەيبىتشىلىك كۇش- جەگەرلەردى بۇزاتىن جانە پالەستينالىقتار مەن يزرايلدىكتەر اراسىنداعى شيەلەنىستى ودان ءارى ۋشىقتىرۋعا ىقپال ەتۋى مۇمكىن ءىس- ارەكەتتەرگە جول بەرمەۋ ماقساتىندا سابىرلىق پەن ۇستامدىلىققا شاقىردى. سونداي- اق، قول جەتكىزىلگەن حالىقارالىق كەلىسىمدەرگە سايكەس تاراپتارعا يەرۋساليمنىڭ تاريحي ستاتۋس- كۆوسىن ساقتاۋ تۋرالى ۇندەۋ ايتىلدى. تۇراقتى وكىل ءوز سوزىندە «قازاقستان رەسپۋبليكاسى ب ۇ ۇ قاۋىپسىزدىك كەڭەسى مەن باس اسسامبلەياسىنىڭ شەشىمدەرى مەن قارارلارىنا قاتىستى ءوز اينىماستىعىن راستاي وتىرىپ، بەيبىت ساياسي پروتسەستىڭ اياسىندا تاياۋ شىعىستاعى جاعدايدى تولىققاندى رەتتەۋ ءۇشىن دايەكتى جانە جۇيەلى تۇردە قولداۋ كورسەتەدى» دەپ اتاپ ءوتتى.
تۇراقتى وكىل پالەستينانىڭ مەملەكەتتىلىككە قۇقىعىن جانە يزرايلدىڭ قاۋىپسىزدىك قۇقىعىن ساياسي، ەكونوميكالىق جانە ەكولوگيالىق ولشەمدەردە، سونداي- اق جاڭا قاۋىپ- قاتەرلەر سالاسىنداعى سەنىم شارالارىنىڭ قولدانىلۋىن قامتاماسىز ەتۋدى قوسا العاندا الدىن الۋ ديپلوماتياسىنىڭ ءتيىستى قۇرالدارىن قولدانۋ ارقىلى قامتاماسىز ەتۋگە شاقىردى.