ەلىمىزدە ساتىلىپ جاتقان ويىنشىقتاردىڭ جارتىسىنان كوبى زياندى بولىپ شىقتى
مۇنداي دابىلدى وسكەمەندەگى قوعامدىق دەنساۋلىق ساقتاۋ مەكەمەسىنىڭ ماماندارى قاعىپ وتىر.
ويتكەنى، ولار وبلىس اۋماعىندا ساتىلىپ جاتقان ويىنشىقتارعا تەكسەرۋ جۇرگىزىپ كورگەن. ال، ەڭ سوراقىسى، سول ساتىلىمداعى ويىنشىقتاردىڭ جارتىسىنان كوبى بالانىڭ ومىرىنە زياندى بولىپ شىقتى، دەپ حابارالايدى 31 -ارنا.
ويىنشىقتاردىڭ قاۋىپسىزدىگىن ناقتى ءبىلۋ ءۇشىن قۇزىرلى ورگان قىزمەتكەرلەرى ءتورت اي بويى تەكسەرۋ جۇرگىزگەن. تەك وبلىس ورتالىعى وسكەمەن قالاسىنداعى ەمەس، اۋدان مەن قالالاردا ورنالاسقان دۇكەن سورەلەرىندەگىلەرىن الىپ، ارنايى ساراپتاما جاساپتى. ناتيجەسىندە الىنعان ويىنشىقتاردىڭ جارتىسىنان كوبى جارامسىز دەپ تانىلعان. ماسەلەن، جاس ءبۇلدىرشىن ءۇشىن ءجيى وينايتىن مىناداي جۇمساقتارى ءتىپتى قاۋىپتى ەكەن.
مىسالى مىنا رەزەڭكە ويىنشىقتاردىڭ اتاۋى: Xiu mei toys. ويىنشىق ءيىسىنىڭ 2 ۇپاي بولۋى قاجەت كونسەنتراتسياسى 3-كە تەڭ. كادميدىڭ دەڭگەيى دە ەكى ەسە ارتىق. ول نەگىزىنەن ۋىتتىلىق كورسەتكىشى جاعىنان 0,001 م گ/ل بولۋى قاجەت. ال فورمالدەگيد قۇرامىنىڭ ەكى جارىم ەسەگە دەيىن كوپتىگى انىقتالعان.
«فورمالدەگيدتەن ءيىسىنىڭ نەسىنەن بالانىڭ لوقسۋى، باس اينالۋى نەمەسە قۇسۋى بولادى. اللەرگيا تۋدىرۋى مۇمكىن. ول سونداي زيان تۋدىرادى ورگانيزمىنە. ونداي ويىنشىقتاردى ساتىپ الماۋ كەرەك اتا- انالار»، - دەيدى ش ق و قوعامدىق دەنساۋلىق ساقتاۋ دەپارتامەنتىنىڭ باس مامانى جانارگۇل قاشقىنبايەۆا.
ارنايى ماماندار ويىنشىقتاردىڭ قايدا جاسالعانىنا دا ءمان بەرۋ كەرەك دەيدى.
مىسالى ءوندىرۋشىنىڭ ورنالاسقان مەكەن-جايى، اتاۋى، ويىنشىقتاردى وڭدەۋ ءتاسىلى، جارامدىلىق مەرزىمى جانە بالالاردىڭ جاسىنا قاراي شەكتەۋ كورسەتىلمەگەن. سونىمەن قاتار، اقپاراتتار مەملەكەتتىك تىلدە مۇلدەم جازىلماعان.
قازىر بۇل تەكسەرۋلەردەن كەيىنگى بەلگىلى بولعان زياندى ويىنشىقتار ساۋدادان الىنىپ، جويىلۋدا. ءبىراق شەت ەلدەن اكەلىنىپ جاتقاندارىنا ءالى تولىق شەكتەۋ قويۋعا مۇمكىندىك جوق. مۇنداعىلار مەزگىل سايىن باقىلاپ، انىقتالعاندارمەن الىسۋعا عانا ءماجبۇر. تەك ءسىز بالاڭىزدى ويناتىپ، ءتىپتى ويلاۋ قابىلەتىن ارتتىرامىن دەپ جۇرگەندە، ويىنشىقتار وپىق جەگىزىپ جۇرمەسىن!