اقتوبەلىكتەر مۋزەيگە جىرشىنىڭ قوبىزى مەن تۇلكى ىشىكتى تاپسىردى
اقتوبە قالاسىنداعى ونەر مۋزەيىندە «جادىگەر جەردە قالماسىن» اكسياسى كەزىندە تاپسىرىلعان جارىگەرلەن كورمەگە قويىلدى. جىل بويى ۇزدىكسىز جارىگەر قابىلدايتىن مۋزەيدە قازىر 100 مىڭنان استام جادىگەر بار. ونىڭ 80 پايىزدان استامى جيناقتالعان، ارنايى تاپسىرىلعان. اتا-بابادان مۇراعا قالعان تۇرمىستىق زاتتار، كيىم مەن ۇلتتىق بۇيىمدار، اسپاپتار دا بار. بۇگىن مۋزەيدە قوبىز، شاپان، تۇلكى ىشىك تانىستىرىلدى.
«جىل بويى جادىگەردى قابىلداۋ جۇرەدى. بۇل جولى «ۆوزروجدەنيە» نەمىس قاۋىمداستىعىنىڭ ءتورايىمى ينگا سمولينەتس ءوڭىردى مەكەندەگەن نەمىس ۇلتىنىڭ 1940-1960 -جىلدارى تۇرمىستا پايدالانعان زاتتارىن تاپسىردى. ولاردىڭ ىشىندە ماي شايقايتىن قۇرال، ماندولينا اسپابى بار. ال وبلىس تۇرعىنى جانات شونايەۆا ەنەسى كيگەن تۇلكى ىشىكتى بەردى. ىشىك 20 عا جۋىق تۇلكى تەرىسىنەن تىگىلگەن ەكەن. ءبىز ءۇشىن بۇل دا قۇندى جادىگەر. سوتسيوليستىك ەڭبەك ەرى عالىم بەكىشيەۆ كيگەن شاپانىن ۇرپاقتارى اماناتتادى. جازۋدى راۋل مير-حايداروۆتىڭ كوللەكتسياسىنداعى بىرنەشە سۋرەت مۋزەيگە بەرىلدى»، - دەدى مۋزەيدىڭ عىلىمي قىزمەتكەرى جاڭىلعان دانابايەۆا.
مۋزەيگە ۇرپاقتارى تاپسىرعان تەمىربەك جۇرگەنوۆتىڭ پورترەتى بەرىلدى. ءبىر ەرەكشەلىگى، پورترەت كۇرىشتەر جاسالعان. سونىمەن قاتار، اقتوبە وبلىسى، ىرعىز اۋدانىنىڭ تۇرعىنى، سوعىس ارداگەرى، قوبىزشى، دومبىراشى جىراۋ مالىك ءالمۇراتوۆ قولدانعان قوبىزدى قىزى سۇلۋشاش ماقاشوۆا سىيعا تاپسىردى.
«گەولوگيا- مينەرالوگيا عىلىمدارىنىڭ دوكتورى، پروفەسسور يۆان دالياننىڭ قۇجاتتارى، كۇندەلىگى تاپسىرىلدى. ول اقتوبە وبلىسىنداعى مۇناي جانە سۋ قورىن العاش تاپقان ادامنىڭ ءبىرى. ءوزى بىرنەشە كەن ورىندارىنىڭ اشىلۋىنا دا قاتىسىپ، ارنايى كۇندەلىك جۇرگىزىپ وتىرعان»، - دەدى جاڭىلعان دانابايەۆا.