ۇكىمەت باسشىسى قازاقستانداعى قىتاي ەلشىسىمەن كەزدەستى

استانا. قازاقپارات - بۇگىن ۇكىمەت ۇيىندە قازاقستان پرەمەر-ءمينيسترى باقىتجان ساعىنتايەۆ قىتاي حالىق رەسپۋبليكاسىنىڭ ق ر- داعى توتەنشە جانە وكىلەتتى ەلشىسى جاڭ حانحۋيمەن كەزدەسۋ وتكىزدى.

بۇل تۋرالى primeminister.kz حابارلايدى.

كەزدەسۋ بارىسىندا ەنەرگەتيكا، ونەركاسىپ، مەتاللۋرگيا، ماشينا جاساۋ، كولىك جانە اۋىل شارۋاشىلىعى سالالارىندا ق ح ر- مەن ساۋدا- ەكونوميكالىق ىنتىماقتاستىقتى ودان ءارى نىعايتۋ، سيفرلىق جانە كولىكتىك- لوگيستيكالىق ينفراقۇرىلىم، يندۋستريا 4.0 تەحنولوگيالارى مەن قۇزىرەتى سالالارىندا بىرلەسكەن جوبالاردى ىسكە اسىرۋ، دەرەكتەر ورتالىقتارىن دامىتۋ ماسەلەلەرى تالقىلاندى.

انىقتاما: قىتاي مەن قازاقستان اراسىنداعى ديپلوماتيالىق قارىم- قاتىناس 1992 -جىلعى 3 -قاڭتاردا ورناعان.

2017 -جىلى قىتاي قازاقستاننىڭ ەڭ ءىرى سىرتقى ساۋدا سەرىكتەسى بولدى. ق ر- نىڭ باسقا ەلدەرمەن تاۋار اينالىمىنىڭ جالپى كولەمىندەگى ق ح ر ۇلەسى  17,4 پايىزدى قۇرادى

(ەكسپورت - 13,4 پايىز، يمپورت - 27,5 پايىز).

ەكىجاقتى ساۋدا كولەمى $10,5 ميلليارد (2016 -جىلمەن سالىستىرعاندا +32,6 پايىز)، سونىڭ ىشىندە قازاقستان ەكسپورتى - $ 5,8 ميلليارد (+ 36,6 پايىز)، ق ر-عا يمپورت - $4,7 ميلليارد (+27,9 پايىز) قۇرادى.

2016 -جىلعى جەلتوقساندا وندىرىستىك قۋاتتاردى دامىتۋ باعدارلاماسىن ىسكە اسىرۋ اياسىندا جوبالاردى قارجىلاندىرۋ ءۇشىن جارعىلىق كاپيتالى $2 ميلليارد بولاتىن قازاقستان- قىتاي وندىرىستىك قۋاتتارىنىڭ ىنتىماقتاستىعى قورى قۇرىلدى.

قازاقستان مەن قىتاي اراسىنداعى اۋىل شارۋاشىلىعى ونىمدەرى مەن ونى قايتا وڭدەۋ ونىمدەرىنىڭ تاۋار اينالىمى $345 ميلليون قۇرادى، بۇل 2016 -جىلمەن سالىستىرعاندا 32 پايىزعا ($261 ميلليون) ۇلعايعان.

2017 -جىلى ق ح ر- عا ا و ك ونىمدەرىن ەكسپورتتاۋ $180,5 ميلليون قۇرادى جانە 34,3 پايىزعا ($134,4 ميلليوننان $180,5 ميلليونعا دەيىن) ءوستى. بيداي ەكسپورتى $57,5 ميلليون سوماسىنا 306,9 مىڭ توننانى قۇرادى (2016 -جىلى بيداي ەكسپورتى 281,1 مىڭ توننانى نەمەسە $52,4 ميلليون قۇرادى).