استانادا شىبىن- شىركەيگە قارسى دارىلەۋ جۇمىستارى باستالدى

None
None
استانا. قازاقپارات - بۇگىن 22:30 - 00.00  ارالىعىندا قالا اۋماعىندا ماسا مەن كەنەگە قارسى دارىلەۋ جۇمىستارى جۇرگىزىلەدى. بۇل تۋرالى ەلوردا اكىمدىگىنىڭ باسپا ءسوز قىزمەتى سانيتارلىق- ەپيدەميولوگيالىق ستانسياعا سىلتەمە جاساپ حابارلادى.

 «قالالىق قوعامدىق دەنساۋلىق ساقتاۋ باسقارماسى استانا اۋماعىندا شىبىن- شىركەي مەن ماسالارعا قارسى دارىلەۋ جۇمىستارىنىڭ باستالعانىن حابارلايدى. اۋا رايى جىلىنعان سوڭ، ماسالاردىڭ جاپپاي كوبەيۋىنە جول بەرمەۋ ءۇشىن قالا ماڭىنداعى كىشىگىرىم سۋ ايدىندارىندا ماسا دەرناسىلدەرىنە قارسى كۇرەس باستالادى. دارىلەۋ جۇمىستارى قازان ايىنا دەيىن جالعاسادى»، - دەلىنگەن سانيتارلىق- ەپيدەميولوگيالىق ستانسيا جىبەرگەن حابارلامادا.

سونداي- اق، سانيتارلىق- ەپيدەميولوگيالىق ستانسيا دارىلەۋ جۇمىستارى تۇرعىن ۇيلەردىڭ جەرتولەلەرىندە قاتار جۇرگىزىلۋى ءتيىس ەكەنىن ەسكەرتتى.

«شىبىن- شىركەيگە قارسى دارىلەۋ قىزمەتى پاتەر يەلەرى كووپەراتيۆىنىڭ ەكسپلۋاتاتسيالىق شىعىندارىنا كىرەدى. سول سەبەپتى، پ ي ك، ج ش س، ج ك ءتوراعاسىنان جەرتولەلەردى دارىلەۋدى تالاپ ەتۋ قاجەت»، - دەپ مالىمدەدى س ە س.

قالا اۋماعىندا دارىلەۋ جۇمىستارىن جۇرگىزۋ ءۇشىن مەحانيكالىق روتورلىق بۇرىككىشتەر، ارنايى ماشينالار قولدانىلادى. وزگە ەلدى مەكەندەردەن جاندىكتەردىڭ ۇشىپ كەلۋىنە توسقاۋىل قويۋ ءۇشىن تەرموگەنەراتور ارقىلى تۇمان تارىزدەس بۋلاۋ جۇمىستارى جۇرگىزىلەدى.

فوتو: topklop.ru

اۆتور: ايجان سەرىكجان قىزى

سوڭعى جاڭالىقتار