ا ق ش- تا قازاقستاندىق ۋنيۆەرسيتەتتىڭ ورتالىعى اشىلدى
دەپ حابارلايدى قازاقپارات ءتىلشىسى اتالعان وقۋ ورنىنىڭ باسپا ءسوز ورتالىعىنا سىلتەمە جاساپ.
وندا قىزدار ۋنيۆەرسيتەتىنىڭ قۇرىلۋ، دامۋ جانە بولاشاعىن قامتىعان كىتاپتار، تانىمدىق كىتاپشالار مەن كادەسىيلار قويىلعان. بۇل ءوز كەزەگىندە امەريكالىق ستۋدەنتتەرگە پەداگوگيكالىق وقۋ ورنى تۋرالى مول اقپارات بەرۋگە سەپتەسپەك.
قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ بۇرىشى ميسسيسيپي ۋنيۆەرسيتەتىنىڭ العاشقى رەكتورى، دوكتور دجەيمس گەربەرت ۋايستىڭ كىتاپحاناسىنان ورىن العان.
«بۇل باستاما شەتەلدىكتەرگە قىزدار ۋنيۆەرسيتەتى تۋرالى تولىق ءارى ناقتى اقپارات الۋىنا مۇمكىندىك تۋعىزادى. ءبىر بۇل عانا ەمەس. كوپشىلىك نازارىنا ۇسىنىلعان كىتاپتار مەن بۇيىمدار ارقىلى شەتەلدىك ستۋدەنتتەر قازاق حالقى جايىندا تىڭ دەرەكتەرگە قول جەتكىزبەك. ءبىز دە ساپار اياسىندا ىرگەلى وقۋ ورداسىنىڭ ستۋدەنتتەرىنە ءوز ۋنيۆەرسيتەتىمىزدىڭ تانىمدىق اقپاراتتارى جازىلعان انىقتامالىق كىتاپشالاردى تاراتتىق. وسىنداي يگىلىكتى ىسكە ۇيىتقى بولىپ، قولداۋ كورسەتكەنى ءۇشىن ۋنيۆەرسيتەت كىتاپحاناسىنىڭ ديرەكتورى حەندەرسون مىرزا مەن پروفەسسور كەتي گولدەنگە شەكسىز ريزاشىلىعىمىزدى بىلدىرەمىز»، - دەيدى ارنايى جانە الەۋمەتتىك پەداگوگيكا كافەدراسىنىڭ وقىتۋشىسى ف. مىرزاحانوۆا.
اۆتور: مارلان جيەمباي