لاتىن قارپىمەن وقۋعا كومەكتەسەتىن موبيلدىك قوسىمشا ازىرلەندى
«ەلباسى نۇرسۇلتان نازاربايەۆ قازاق ءتىلىنىڭ دامۋى ماسەلەلەرىنە ەرەكشە نازار اۋدارىپ كەلەدى. «رۋحاني جاڭعىرۋ» باعدارلاماسىندا مەملەكەت باسشىسى قازاق ءتىلىنىڭ كەزەڭ- كەزەڭمەن لاتىن گرافيكاسىنا ءوتۋىن بەلگىلەدى. بۇگىندە الەمدىك اقپاراتتىڭ 70 پايىزى لاتىندا. ءبىز وسى قازىرگى زامانعى اقپاراتتىق كەڭىستىككە ەنۋىمىز كەرەك جانە باسەكەگە قابىلەتتىلىكتى ارتتىرۋعا ءتيىستىمىز. ءبىزدىڭ «Qazaq Latyn Keyboard» قوسىمشامىز جاستاردى جاڭا الفاۆيتپەن وقۋىنا جاردەمدەسەدى. لاتىن گرافيكاسىنداعى قازاق ءتىلى بارشاسىنا قولجەتىمدى بولادى» ، - دەدى س. ايتجانوۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ونىڭ اتاپ وتۋىنشە، «Qazaq Latyn Keyboard» جوباسى قازاق ءتىلىن لاتىن پەرنەتاقتاسىندا ستاندارتتى تۇردە پايدالانۋعا مۇمكىندىك بەرەدى.
«پايدالانۋشىلارعا ىڭعايلى بولۋ ءۇشىن پەرنەتاقتادا تەرۋدىڭ ترانسليتەراتسياسى قۇرىلدى. اتالعان قىزمەتتىڭ كومەگىمەن قازاقشا سوزدەردى كيريلليتسادا تەرۋگە بولادى، سودان كەيىن باعدارلاما اۆتوماتتى تۇردە ونى لاتىن گرافيكاسىنا اۋدارادى» ، - دەدى ول.
بەلگىلى بولعانداي، الداعى ۋاقىتتا ادامداردىڭ ۇسىنىستارى ناتيجەسىندە قوسىمشانى جەتىلدىرۋ كوزدەلىپ وتىر.
قوسىمشانى App Store جانە Android جۇيەلەرى ارقىلى جۇكتەپ الۋعا بولادى.
بۇدان بۇرىن حابارلانعانداي، ورتالىق كوممۋنيكاتسيالار قىزمەتىندە قازاقستاندا رەسمي قۇجاتتاردى ساۋاتتى ازىرلەيتىن پورتال تانىستىرىلدى.