ۇيدەن شىقپاي جۇرگىزۋشى كۋالىگىن قالاي جاڭارتۋعا بولادى

 استانا. قازاقپارات - «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ قوعاممەن بايلانىس دەپارتامەنتىنىڭ ديرەكتورى مۇرات جۇمانباي ءوزىنىڭ فەيسبۋك پاراقشاسىندا ۇيدەن شىقپاي- اق جۇرگىزۋشى كۋالىگىن قالاي جاڭارتۋعا بولاتىنى تۋرالى ۆيدەومەن ءبولىستى، دەپ حابارلايدى قازاقپارات ءتىلشىسى.

«الدىمەن، ەلەكتروندى ۇكىمەت پورتالىنىنىڭ (egov.kz)  قىزمەتتەر پاراقشاسىنا ءوتىپ - ودان ارى «جۇرگىزۋشى كۋالىگىن الۋ» بولىگىنە كىرەسىز. نازار اۋدارىڭىز - جاڭا قۇجاتقا قول جەتكىزۋ ءۇشىن ءسىزدىڭ فوتوسۋرەتىڭىز ەلەكتروندى تۇردە جانە قولتاڭباڭىزدىڭ سكانەرلەنگەن ءتۇرى بولۋى كەرەك. فوتوسۋرەتكە جانە قولتاڭباعا قويىلاتىن تالاپتارمەن وسى پاراقشاداعى اقپارات ارقىلى تانىسا الاسىزدار» ، - دەلىنگەن ۆيدەودا.

سودان كەيىن ءسىز اۆتوريزاتسيالاۋ پروتسەسىنەن ءوتۋىڭىز كەرەك.

ياعني، تىركەلگەن كەزدەگى جسن مەن ءپارولىڭىزدى ەنگىزەسىز دە، «جۇيەگە كىرۋ» باستىرماسىن باسۋىڭىز كەرەك. وسىدان كەيىن كومپيۋتەر ءسىزدى «قىزمەتتەر» پاراقشاسىنا قايتارىپ اكەلەدى. بۇدان سوڭ اتالمىش پاراقشاداعى قىزعىلت- سارى تۇسپەن بەلگىلەنگەن «ونلاين قىزمەتكە تاپسىرىس بەرۋ» باتىرماسىن باسۋعا ءتيىسسىز. ونى باسقان كەزدە جۇرگىزۋشى كۋالىگىڭىزدىڭ سۋرەتى پايدا بولادى. ونىڭ استىندا جەكە ءتولقۇجاتىڭىز، تىركەلۋ پۋنكتىڭىز تۋرالى مالىمەتتەر بەرىلەدى. ياعني، ءسىز سول پۋنكتكە بارىپ، قۇجاتتى الىپ كەتە الاسىز. پاراقشانىڭ «قان توبى» بولىگىندە ءسىز ءوزىڭىزدىڭ قان توبىڭىزدى بەلگىلەۋگە ءتيىسسىز.

ودان كەيىن اشىلعان ءتولقۇجاتقا كومپيۋتەرىڭىزدە ساقتالعان فوتوڭىزدى ەنگىزۋ كەرەكسىز. ياعني، «جۇكتەۋ» قىزمەتى ارقىلى جاڭا قۇجاتتا كورسەتىلەتىن فوتوڭىزدى ەنگىزەسىز. ەگەر بارلىعىن دۇرىس جاساساڭىز، ءسىز جۇكتەگەن فوتوسۋرەت اشۋلى تۇرعان جۇرگىزۋشىلەر كۋالىگىنە تۇسەدى.

«ودان كەيىن ءسىز ءوزىڭىزدى قولتاڭباڭىزدىڭ سكانەرلەنگەن ۇلگىسىن ەنگىزۋگە ءتيىسسىز. ول دا فوتو ەنگىزگەندەي جۇكتەلەدى. فوتوسۋرەتىڭىز بەن قولتاڭباڭىز جۇكتەلگەننەن كەيىن ءسىز «ءوتىنىشتى جولداۋ» باتىرماسىنا باساسىز. كومپيۋتەر ءسىزدى مەملەكەتتىك پوشلينانى تولەۋ پاراقشاسىنا وتكىزەدى. ول جەردەن ءتيىستى پوشلينانى تولەۋگە بولاتىن جاقىنداعى سالىق ورگانىن تاڭداپ الا الاسىز دا، «تولەۋ» قىزمەتىن باساسىز. ءسىزدى «تولەم شليۋزى» بولىگىنە وتكىزەدى. ياعني، ول جەردەن قاي بانكتىڭ كارتاسىمەن تولەمدى جۇرگىزۋ بولاتىنى جايلى تاڭداۋى بەرىلەدى» ، - دەلىنگەن ۆيدەو حابارلامادا.

جەكە كابينەت ارقىلى ءسىز جۇرگىزۋشى كۋالىگىن اۋىستىرۋ ءۇشىن كەرەكتى ەلەكتروندى ءوتىنىشتى قالاي تولتىرۋ كەرەكتىگىن بىلە الاسىز.

وسىدان كەيىن سىزگە ءى ءى م قىزمەتكەرلەرى ارقىلى جەكە ءوزىڭىزدى راستاۋ ءۇشىن مامانداندىرىلعان ح ق و- عا بارۋ كەرەك. ح ق و- عا بارعاندا پاراققا شىعارىلعان ەلەكتروندى ءوتىنىشتى، اۋىستىرۋ ءۇشىن قولىڭىزداعى جۇرگىزۋشى كۋالىگىن، جەكە كۋالىگىڭىزدى، 083 فورمالى مەديتسينالىق انىقتامانى، جۇرگىزۋشى كۋالىگىنىڭ بەرىلۋى ءۇشىن مەملەكەتتىك پوشلينانىڭ تولەنگەنى تۋرالى تۇبىرتەكتى الىپ باراسىز. ەندىگى كەزەكتە، ەلەكتروندى ۇكىمەت پورتالى ارقىلى ءسىز جۇرگىزۋى كۋالىگىن قالاي اۋىستىرۋعا بولا الاتىنىن بىلەسىز.