تۇركيادان قايىپ حاننىڭ وسمانلى سۇلتانىمەن جازىسقان حاتتارى جەتكىزىلدى

None
None
استانا. قازاقپارات - ۇلتتىق مۋزەيدە «وسمانلى مەملەكەتى مەن ورتالىق ازيا حاندىقتارى قارىم- قاتىناستارىنىڭ قۇجاتتارى» اتتى كورمە اشىلدى. تاريحي قۇجاتتاردىڭ اراسىندا قازاق حانى مۇحاممەت قايىپ حان مەن وسمانلى سۇلتانىنىڭ 1713 -جىلى جازىلعان حاتتارى بار، دەپ حابارلايدى قازاقپارات ءتىلشىسى.

كورمە يۋنۋس ەمرە اتىنداعى تۇرىك مادەني ورتالىعىنىڭ جانە تۇركيانىڭ قازاقستانداعى ەلشىلىگىنىڭ قولداۋىمەن «رۋحاني جاڭعىرۋ» باعدارلاماسى اياسىندا ۇيىمداستىرىلعان. كورمەگە وسمانلى مەملەكەتى مەن ورتالىق ازيا حاندىقتارىنىڭ قارىم- قاتىناستارىن باياندايتىن 40 قۇجات قويىلىپ وتىر. ولاردىڭ بارلىعى تۇركيا مەملەكەتىنە قاراستى وسمانلى مۇراعاتىنان الىنعان. قۇجاتتار اراسىندا قازاق حانى مۇحاممەت قايىپ حان مەن وسمانلى سۇلتانىنىڭ 1713 -جىلى جازىلعان حاتتارى سياقتى دەرەكتەر قازاقستان حالقىنا تۇڭعىش رەت ۇسىنىلۋدا.

Түркиядан Қайып xанның Османлы сұлтаны ІІІ Аxметпен жазысқан xаттары жеткізілді

 كورمەگە قويىلاتىن حاتتاردىڭ ىشىندە قازاق حانى قايىپ مۇحاممەدكە جولدانعان وسمانلى سۇلتانى  ІІІاحمەت سۇلتاننىڭ حاتىنىڭ كوشىرمەسى (1713 -جىلعى 21 - تامىز)، قازاق حانى قايىپ مۇحاممەد جولداعان ون بولەك سىي- سياپات تىركەلگەن داپتەردىڭ كوشىرمەسى (1713 -جىلعى 21 - تامىز)، قازاق حانى قايىپ مۇحاممەتتىڭ ەلشىسى سەيىت مۇحاممەدقۇل بەي تاپسىرعان حاتتىڭ اۋدارماسىنىڭ كوشىرمەسى (1714 -جىل 16- قاڭتار)، قازاق حانى قايىپ مۇحاممەدتىڭ ەلشىسى مۇحاممەد قۇلدىڭ اۋىزشا سالەمىنىڭ قاعازعا تۇسىرىلگەن نۇسقاسى (1714 -جىلعى 16 - قاڭتار)، قازاق حانى قايىپ مۇحاممەدتەن كەلگەن حاتتىڭ كوشىرمەسى (حاتتا وسمانلى مەملەكەتىنىڭ شىنايى دوسى ەكەندەرى، ءار دايىم دۇعا ەتەتىندەرى تۋرالى جازىلعان، 1716 -جىلعى 14 -جەلتوقسان)، م. لەسساردىڭ ورتالىق ازيا ساياحاتى تۋرالى «Central Asia No1» دەپ اتالاتىن راپورتىنىڭ تانىستىرىلىمى (1883 -جىل)، تۇركىستان ايماعىنىڭ بەرليندە باسىلعان كارتاسى (1862 -جىل) ءتارىزدى ماڭىزدى قۇجاتتار بار.

Түркиядан Қайып xанның Османлы сұлтаны ІІІ Аxметпен жазысқан xаттары жеткізілді

«قازاقستان پرەزيدەنتى نۇرسۇلتان نازاربايەۆتىڭ «رۋحاني جاڭعىرۋ» باعدارلاماسىنا سايكەس، وسىنداي مادەني شارالار جۇرگىزىلىپ جاتقانىنا قۋانىشتىمىز. وزدەرىڭىزگە ءمالىم، وتكەن جىلى قازاقستان مەن تۇركيانىڭ ديپلوماتيالىق قارىم- قاتىناستارىنىڭ ورناعانىنا 25 جىل تولۋىن ماقتانىشپەن اتاپ وتكەن ەدىك. قازاقستان تاۋەلسىزدىگىن العاش مويىنداعان ەل رەتىندە تاريحى، ءدىنى، ءدىلى، مادەنيەتى ورتاق ەكى مەملەكەتتىڭ قارىم- قاتىناسىنىڭ كۇن سايىن نىعايۋى كوكىرەگىمىزدە ماقتانىش سەزىمىن ۇيالاتادى. ارينە، تۇركيا مەن ورتالىق ازيانىڭ بايلانىستارى جاڭا تاريحتىڭ ەنشىسىندەگى دۇنيە ەمەس. وسمان مەملەكەتى سوناۋ ون التىنشى عاسىردان بەرى بۇل ولكەگە ماڭىز بەرىپ، ورتالىق ازيانىڭ بۇقار، قوقان، حيۋا حاندىقتارىنا ەلشىلەرىن جىبەرۋ ارقىلى باۋىرلاس ەلدەرمەن ساياسي- ەكونوميكالىق قاتىناستارىن دامىتۋعا ۇلەس قوسقان. مىنە، وسىنداي ورتاق تەرەڭ تاريحىمىزدىڭ اسا قۇندى دەرەكتەرىن ءبولىسۋ ماقساتىندا ءبىز سىزدەرمەن وسى ارادا جينالىپ وتىرمىز»، - دەدى كورمەنىڭ اشىلۋىندا قازاقستان رەسپۋبليكاسىنداعى تۇركيا رەسپۋبليكاسىنىڭ توتەنشە جانە وكىلەتتى ەلشىسى نيەۆزات ۇيانىك.

Түркиядан Қайып xанның Османлы сұлтаны ІІІ Аxметпен жазысқан xаттары жеткізілді

سونداي- اق، بۇحارا، حيۋا جانە قوقان حاندىقتارى مەن وسمانلى مەملەكەتىنىڭ قارىم- قاتىناستارىن كورسەتەتىن باسقا حاتتار، ماڭىزدى دەرەكتەر مەن كارتالار دا كورمەگە قويىلىپ وتىر. ەكسپوناتتاردىڭ اراسىندا تۇركيا مەملەكەتتىك ءارحيۆىنىڭ تارتۋى رەتىندە قازاقتاردىڭ تۇركياعا كوشىنە قاتىستى قوسىمشا قۇجاتتار دا بار.

Түркиядан Қайып xанның Османлы сұлтаны ІІІ Аxметпен жазысқан xаттары жеткізілді

«وسمانلى مەملەكەتى مەن ورتالىق ازيا حاندىقتارى قارىم- قاتىناستارى قۇجاتتارىنىڭ» كورمەسى 20 - مامىرعا دەيىن جالعاسادى.

اۆتور: ايان بەكەن ۇلى

Түркиядан Қайып xанның Османлы сұлтаны ІІІ Аxметпен жазысқан xаттары жеткізілді

Түркиядан Қайып xанның Османлы сұлтаны ІІІ Аxметпен жазысқан xаттары жеткізілді

Түркиядан Қайып xанның Османлы сұлтаны ІІІ Аxметпен жазысқан xаттары жеткізілді

سوڭعى جاڭالىقتار