قازاقستان ۋران ءوندىرۋ كولەمىن قىسقارتتى

None
None
استانا. قازاقپارات - اعىمداعى جىلدىڭ 4 ايىندا قازاقستاندا گاز ءوندىرۋ كولەمى 18,7 ميلليارد تەكشە مەتردى قۇرادى. بۇل تۋرالى بۇگىن ۇكىمەت وتىرىسىندا ق ر ەنەرگەتيكا ءمينيسترى قانات بوزىمبايەۆ ءمالىم ەتتى،

دەپ حابارلايدى قازاقپارات ءتىلشىسى.

«گاز ءوندىرۋ كولەمى 18,7 ميلليارد تەكشە مەتردى قۇرادى. ياعني، 2017 -جىلدىڭ سايكەس كەزەڭىنە قاراعاندا 6 پايىزدان استامعا ءوسىم كورسەتتى. گازدىڭ ەكسپورت كولەمى 6,7 ميلليارد تەكشە مەتردى قۇرادى. بۇل بىلتىرعى سايكەس كەزەڭمەن سالىستىرعاندا 24,1 پايىزعا جوعارى. وسى جىلدىڭ 4-ايىنىڭ ىشىندە سۇيىتىلعان مۇناي گازىنىڭ ءوندىرىسى 1,24 ميلليون توننانى قۇرادى. ياعني، وتكەن جىلدىڭ سايكەس كەزەڭىنە قاراعاندا، 3,5 پايىزعا ارتتى»، - دەدى مينيستر.

ونىڭ ايتۋىنشا، مۇناي بيتۋمى ءوندىرىسى 187 مىڭ تونناعا جەتىپ، وتكەن جىلدىڭ 4 ايىمەن سالىستىرعاندا 65 پايىز ءوسىم كورسەتكەن. 12 مىڭ توننا بيتۋم ەكسپورتقا شىعارىلدى.

«ەلەكتر ەنەرگياسىن ءوندىرۋ كولەمى 38 ميلليارد كۆت/ساعاتتى قۇرادى. بۇل وتكەن جىلدىڭ سايكەس كەزەڭىنە قاراعاندا 8 پايىز ارتىق. كومىر ءوندىرۋ كولەمى 36,8 ميلليون توننانى قۇرادى. وتكەن جىلدىڭ سايكەس كەزەڭىمەن سالىستىرعاندا 3 پايىزدان استامعا كوپ. ىشكى نارىققا 26,8 ميلليون توننا كومىر جەتكىزىلدى جانە 8,6 ميلليون توننا ەكسپورتقا شىعارىلدى. ۋران ءوندىرۋ كولەمى شامامەن  7137 توننانى قۇرادى. بۇل 2017 -جىلدىڭ سايكەس كەزەڭىندە وندىرىلگەن ۋراننىڭ 96,8 پايىزى. بۇل كورسەتكىشتىڭ تومەندەۋى ۋراننىڭ الەمدىك نارىقتاعى باعاسىنا بايلانىستى»، - دەدى قانات بوزىمبايەۆ.

اۆتور: مارلان جيەمباي

سوڭعى جاڭالىقتار