مۇحامەدي ۇلى: ديماشتىڭ ارقاسىندا شەتەلدىك پروديۋسەرلەر قازاقستاندىق تالانتتارعا كوز سالا باستادى

 استانا. قازاقپارات - مادەنيەت جانە سپورت ءمينيسترى ارىستانبەك مۇحامەدي ۇلى شەتەلدە جەتىستىككە جەتكەن قازاقستاندىق ارتىستەر جايلى ايتتى.

 ول ديماشتىڭ ارقاسىندا، شەتەلدىك پروديۋسەرلەردىڭ قازاقستاندىق ارتىستەرگە كوز سالعانىن اتاپ ءوتتى، دەپ حابارلايدى Stan.kz اقپاراتتىق اگەنتتىگى.

«ديماش قۇدايبەرگەنمەن ۇلكەن شوۋ وتكىزۋ ءۇشىن بىزگە ۇلكەن دايىندىق كەرەك. ول قازىر تابىستى، كانن فەستيۆالىنە قاتىسىپ كەلدى. ءبىزدىڭ مىندەتىمىز - باسقا تالانتتارعا جول اشۋ. جالعىز ديماش ەمەس، كوپتەگەن تالانتتارعا»، - دەدى مينيستر ۇكىمەت جيىنىندا.

بيلىك وكىلىنىڭ ايتۋىنشا، ديماشتان كەيىن شەتەلدىك پروديۋسەرلەر قازاقستاندىق ورىنداۋشىلارعا قىزىعۋشىلىق تانىتا باستاعان.

«ديماشتىڭ ارقاسىندا، كوپتەگەن شەتەلدىك پروديۋسەرلەر قازاقستاندىق تالانتتارعا كوز سالىپ ءجۇر. ديماش «جارق ەتكەندىكتەن»، وزگە دە تالانتتار جەتەرلىك دەپ ويلاپ وتىر. تانىمال ماسكەۋلىك كومپوزيتورلار قازاقستاندىق ورىنداۋشىلارعا ارناپ ءان جازۋدا. Jah Khalib قازاقستاننان تىس ايماقتا جۇمىس ىستەيدى»، - دەيدى مينيسترلىك باسشىسى.