مارۆەل فيلمدەرىندە مۇسىلمان سۋپەرقاھارمان ايەل پايدا بولادى

استانا. قازاقپارات - كاپيتان مارۆەل تۋرالى فيلم جارىققا شىققاننان كەيىن Marvel كينوعالامى كورەرمەندەردى كوميكستەرىنىڭ العاشقى مۇسىلمان سۋپەرقاھارمان ايەلمەن تانىستىرماق، - دەپ حابارلايدى «سويۋز» Marvel ستۋدياسىنىڭ باسشىسى كيەۆين فايگيگە سىلتەمە جاساپ.

فايگيدىڭ سوزىنشە، Marvel كينوعالامىنىڭ كومانداسى ميسس مارۆەل/كامالا حانعا جوسپارى ۇلكەن. «بري لارسون قاتىسىپ جاتقان «كاپيتان مارۆەل» ءتۇسىرىلىمى ءدال قازىر ءجۇرىپ جاتىر. ميسس مارۆەل - كوميكستىڭ تاعى ءبىر كەيىپكەرى - كاپيتان مارۆەلدەن شابىت العان مۇسىلمان ايەل. وعان قاتىستى جوسپارىمىز بار، ءبىراق، كاپيتان مارۆەلدى جارىققا شىعارعاننان كەيىن»، - دەپ مالىمدەدى ول.

«كەك الۋشىلار: شەكسىز سوعىس» ءفيلمى 3 -مامىردا كورسەتىلە باستادى جانە Marvel كينەماتوگرافيالىق عالامىنىڭ 19- كارتيناسى بولدى. جاقىندا امەريكالىق اكتريسا گۆينەت پەلتروۋ (پەپپەر پوتس) «كەك الۋشىلاردىڭ» فرانشيزاسى «شەكسىز سوعىستىڭ» جالعاسى قانداي بولاتىنىن ايتقان ەدى.