تۇڭعىش پرەزيدەنتتىڭ اتاسى نازارباي ءبي جايلى نە بىلەمىز؟
تۇركى زامانىنا بۇگىنگە دەيىنگى سوت بيلىگى تۋرالى ماتەريالدار استاناداعى قۇقىق تاريحى مۇراجايىندا ساقتاۋلى. ونداعى ەكسپوناتتاردىڭ اراسىنان قازىلاردىڭ نازارباي ءبيدى سايلاعانى تۋرالى قۇجاتتىڭ كوشىرمەسىن كورۋگە بولادى.
نۇرسۇلتان نازاربايەۆتىڭ اتاسى ءبىر اۋىلعا بيلىك ەتكەن. نازارباي ءبي تۋرالى العاشقى دەرەكتەر 1986 -جىل دەپ كورسەتىلگەن قۇجاتتاردان تابۋعا بولادى. 
«نازارباي بىرنەشە رەت بيلەر سايلاۋىنا تۇسكەن. 1909 -جىلى 52 جاسىندا ونى ءتورتىنشى اۋىلدىڭ ءبيى ەتىپ سايلاعان. سايلاۋ بالامالى بولعان. نازارباي بيگە 28 سايلاۋشىنىڭ 27 سى داۋىس بەرگەن»، - دەيدى سوتتىڭ باسپا ءسوز قىزمەتى قولدا بار مالىمەتتەرگە سۇيەنىپ.
قۇقىق تاريحى مۇراجايى رەسپۋبليكانىڭ جوعارعى سوتى جانىندا اشىلعان. قازىر ول قالالىق سوت عيماراتىندا ورنالاسقان. ەكسپوناتتاردىڭ بارلىعى - قۇجاتتار مەن فوتوسۋرەتتەر ۇلتتىق جانە عىلىمي كىتاپحانالاردان، قازاقستان مەن رەسەي مۇراجايلارىنان الىنعان. ولاردىڭ ىشىندە تاريحي قۇندى بيلەردىڭ قولدانعان زاتتارى بار.