قازاقستان پرەزيدەنتى ە ا ە و بانكتەرىن «استانا» حالىقارالىق قارجى ورتالىعىنا شاقىردى

None
None
سوچي. قازاقپارات - قازاقستان پرەزيدەنتى نۇرسۇلتان نازاربايەۆ ەۋرازيالىق ەكونوميكالىق وداقتىڭ قارجى ينستيتۋتتارىن «استانا» حالىقارالىق قارجى ورتالىعىنا شاقىردى، دەپ حابارلايدى قازاقپارات ءتىلشىسى.

جوعارى ەۋرازيالىق ەكونوميكالىق كەڭەستىڭ كەزەكتى وتىرىسىندا ءسوز سويلەگەن قازاقستان پرەزيدەنتى استانادا «ەكسپو-2017» حالىقارالىق مامانداندىرىلعان كورمەسى بازاسىندا قارجى، «جاسىل» تەحنولوگيالار جانە ІТ - ستارتاپتار بويىنشا ءۇش حالىقارالىق ورتالىقتىڭ قۇرىلاتىندىعىن ايتتى.

«وسىلايشا، بۇكىل كورمە كەشەنى مۇنان ءارى يننوۆاتسيالىق تۇراقتى دامۋ مىندەتتەرىنە قىزمەت ەتەتىن بولادى. وسىعان وراي، مىنالاردى ۇسىنامىن. بىرىنشىدەن، ەۋرازيالىق ەكونوميكالىق وداق ەلدەرىنىڭ قارجى ينستيتۋتتارىن 4- شىلدە كۇنى اشىلاتىن «استانا» حالىقارالىق قارجى ورتالىعىنىڭ مۇمكىنشىلىكتەرىن پايدالانۋعا شاقىرامىن. ەكىنشىدەن، ەكسپو اۋماعىندا قوسالقى كونسۋلتاتيۆتىك-كەڭەستىك ورگانداردىڭ، ىسكەرلىك كەڭەستەردىڭ وتىرىستارىن قوسا العاندا ە ا ە و- نىڭ قارجىلىق بلوگىنىڭ ءىس-شارالارىن وتكىزۋدى ۇسىنامىن»، - دەدى قازاقستان پرەزيدەنتى.

سونىمەن قاتار نۇرسۇلتان نازاربايەۆ سيفرلىق كۇن تارتىپتى جۇزەگە اسىرۋ اياسىندا الداعى ۋاقىتتا اشىلاتىن ІТ - ستارتاپتار حالىقارالىق تەحنوپاركى بازاسىندا ە ا ە و اياسىنداعى سيفرلىق جوبالار مەن باستامالاردى باسقارۋ كەڭسەسى جۇمىسىن ۇيىمداستىرۋدى ۇسىندى.

«ەكسپورتتىق الاڭنىڭ تولىققاندى جۇمىس ىستەۋى ءۇشىن سىزدەر ءۇشىن قاجەتتى بارلىق جاعداي جاسالاتىن بولادى»، دەدى مەملەكەت باسشىسى.

ايتا كەتەيىك، رەسەيدىڭ سوچي قالاسىندا مەملەكەت باسشىلارىنىڭ قاتىسۋىمەن جوعارى ەۋرازيالىق ەكونوميكالىق كەڭەستىڭ (ج ە ە ك) كەزەكتى وتىرىسى وتۋدە. شاراعا قازاقستان پرەزيدەنتى نۇرسۇلتان نازاربايەۆ، رەسەي باسشىسى ۆلاديمير پۋتين، قىرعىزستان پرەزيدەنتى سوورونباي جەەنبەكوۆ، بەلارۋس باسشىسى الەكساندر لۋكاشەنكو جانە ارمەنيا پرەمەر-ءمينيسترى نيكول پاشينيان قاتىسۋدا.

باس قوسۋدا ەۋرازيالىق ەكونوميكالىق وداق (ە ا ە و) اياسىنداعى كوپباعىتتى ىنتىماقتاستىقتىڭ ءتۇرلى اسپەكتىلەرى، ۇيىمنىڭ ۇيىمداستىرۋ-كادرلىق باعىتتاعى شارالارى مەن اعىمداعى جۇمىس بارىسى ءسوز بولادى دەپ كۇتىلەدى. كۇن تارتىبىنە 15 ماسەلە قويىلعان. ولاردىڭ ەكەۋى شاعىن قۇرامدا قارالادى.

سوڭعى جاڭالىقتار