قازاقستاندا شيكى مۇناي مەن تابيعي گاز ءوندىرىسى ۇلعايدى

استانا. قازاقپارات - 2018 -جىلعى قاڭتار- ساۋىردە ونەركاسىپتىك ءوندىرىستىڭ يندەكسى 105,1 پايىزدى قۇرادى، دەپ حابارلايدى قازاقپارات ءتىلشىسى.

 ق ر  ۇ ە م ستاتيستيكا كوميتەتىنىڭ دەرەگىنشە، 2018 -جىلعى قاڭتار- ساۋىردە 2017 -جىلعى قاڭتار- ساۋىرمەن سالىستىرعاندا شيكى مۇناي، تابيعي گاز جانە مەتالل كەندەرىنىڭ ءوندىرىسى ۇلعايدى. تاماق ونىمدەرى، سۋسىندار، مۇناي وڭدەۋ ونىمدەرى، حيميالىق ونەركاسىپ ونىمدەرى، فارماتسيەۆتيكالىق ونىمدەر، رەزەڭكە جانە پلاستماسسا بۇيىمدارى ءوندىرىسى، مەتاللۋرگيا ونەركاسىبى جانە ماشينا جاساۋ ونىمدەرىنىڭ ءوندىرىسى ءوستى. سونىمەن بىرگە، كومىر جانە ليگنيتتىڭ ءوندىرىسى قىسقاردى، تەمەكى ونىمدەرى جانە وزگە دە كولىك قۇرالدارىن جاساۋ تومەندەدى.

ونەركاسىپتىك ونىمدەردىڭ ءوندىرىس كولەمىنىڭ ءوسۋى رەسپۋبليكانىڭ 14 وڭىرىندە بايقالدى.

اۆتور: مارلان جيەمباي