قازاقستانعا يمپورتتالاتىن تاۋارلار باعاسى قىمباتتادى
ق ر ۇلتتىق ەكونوميكا مينيسترلىگى ستاتيستيكا كوميتەتىنىڭ مالىمەتىنشە، جىل باسىنان بەرگى كەزەڭدە ەكسپورتتىق جەتكىزىلىمدەر باعاسى مارگانەتس كەندەرىنە - 19,1, تەمىر كەندەرىنە - 16,7, مىسقا - 9,1, مىرىشقا - 4,9, كومىرگە - 3,5, مۇنايعا 0,8 پايىزعا جوعارىلاپ، فەرروقورىتپالارعا - 5,6, حروم كەندەرىنە - 3,9, قارا مەتالل كەندەرىنە 2,6 پايىزعا تومەندەدى. باعانىڭ ماقتاعا 4 پايىزعا جوعارىلاۋى، ولاردىڭ جۇنگە - 1,8, ارپاعا - 1,6, بيدايعا 0,9 پايىزعا تومەندەۋى تىركەلدى.
«يمپورتتالاتىن ونىمدەردەن تەمەكى - 22,9, بالىق - 2,4, كوكونىستەر - 2,3, ءسۇت ونىمدەرى 1,7 پايىزعا قىمباتتادى. كوفە - 5, قانت - 4,6, كاكاو - 3,8, قۇس ەتى - 1,7, مارگارين 1,5 پايىزعا ارزاندادى. باعا بىلعارىعا - 4,2, توقىما بۇيىمدارىنا - 3,5, قۇرىلىس ماتەريالدارىنا - 2,2, سۇرەككە - 1,6, پلاستماسساعا 1,5 پايىزعا جوعارىلادى» ، - دەلىنگەن تاراتىلعان مالىمەتتە.