ۆلاديمير بوجكو: رەزەڭكە بەتپەردەنى ءوندىرۋ سونشالىقتى قيىن با؟

None
None
استانا. قازاقپارات - ق ر پارلامەنتى ءماجىلىسى ءتوراعاسىنىڭ ورىنباسارى ۆلاديمير بوجكو قازاقستاندا گازتۇتقىش (پروتيۆوگاز) وندىرۋدەگى كەمشىلىكتەردى اتادى، دەپ حابارلايدى قازاقپارات ءتىلشىسى.

ايتا كەتەيىك، بۇگىن ماجىلىستە قورعانىس- ونەركاسىپتىك كەشەندى دامىتۋ ماسەلەلەرى تالقىلاندى.

قورعانىس جابدىقتارىن شەتەلدەن ساتىپ الۋدى دوعارىپ، وتاندىق كاسىپورىنداردا ءوندىرۋدى باستاۋ كەرەكتىگىنە توقتالعان بوجكو، «وسى ورايدا حيميالىق، باكتەريولوگيالىق جانە رادياتسيالىق قورعانىس قۇرالدارىنا نازار اۋدارعان ءجون. اتاپ وتەر بولساق، 3-4 جىلدان بەرى بىزگە بىرنەشە ميلليون گازتۇتقىشتار (پروتيۆوگاز) كەرەكتىگىن ايتىپ كەلەمىن. قازىرگى كەزدە ولاردى بىرتىندەپ تاعى دا شەتەلدەن ساتىپ الۋدامىز. وسىنىڭ ءوندىرىسىن ۇيىمداستىرۋ سونشالىقتى قيىن بولعانى ما؟»، - دەدى.



بۇل تۇرعىدا ول وسى ماسەلە بۇعان دەيىن بىرنەشە رەت ايتىلعانىن ءسوز ەتتى.

«ياعني رەزەڭكە بەتپەردە مەن اۋانى تازارتۋ سۇزگىسىنىڭ ءوندىرىسىن قۇرۋ قيىن ەمەس سەكىلدى. بۇل جايىندا كوبىرەت ايتىلدى عوي، الايدا ىلگەرىلەۋ جوق»، - دەدى ءماجىلىسى ءتوراعاسىنىڭ ورىنباسارى.

 بۇدان بۇرىن حابارلانعانداي، ۇكىمەت ساعاتى بارىسىندا بيىل قازاقستاندا مي-8/17 تىكۇشاقتارىن قۇراستىرۋ باستالاتىندىعى ءمالىم بولدى.

سونىمەن قاتار قورعانىس جانە ايەروعارىش ونەركاسىبى ءمينيسترى بەيبىت اتامقۇلوۆ قازاقستاننىڭ وپتيكالىق قۇرىلعىلارى ەكسپورتقا باعىتتالعانىن اتاپ ءوتتى.

اۆتور: رۋسلان عابباسوۆ

سوڭعى جاڭالىقتار