ىندەت لوببيى: ا ق ش سەمىزدىكتى قالاي ەكسپورتتايدى؟
سونداي شارالاردىڭ ءبىرى - ساۋدا كەلىسسوزدەرىندە قاتاڭ پوزيتسيا ۇستانۋى. مۇنىڭ سەمىزدىك ىندەتىنە قانداي قاتىسى بار دەرسىز؟ تىكەلەي. وزدەرىڭىز بىلەسىزدەر، عالامدىق كاپيتاليستىك جۇيە ءوز ەرەجەسىن تاڭىپ وتىر نارىق ەرەجەسىن العا تارتىپ. بۇل ءوز كەزەگىندە ادامزاتتىڭ يگلىگىن ەمەس، ەڭ الدىمەن ءوز قاراقان باسىنىڭ پايداسىن كوزدەۋگە مۇمكىندىك بەرەتىن جۇيە بولعاندىقتان ا ق ش پرەزيدەنتىنىڭ بۇل قادامى الەمدىك سەمىزدىك ىندەتىمەن كۇرەسۋ باعدارلاماسىن قۇردىمعا جىبەرمەك.
ادامزاتتىڭ باقىلاۋىنان شىعىپ، كۇللى الەمدى جايلاعان سەمىزدىك ىندەتى ءومىر ءسۇرۋ ۇزاقتىعىنا، ياعني، ادام دەنساۋلىعىنا تىكەلەي اسەر ەتىپ، بۇل ءوز كەزەگىندە سەمىزدىك ىندەتىنىڭ سالدارىمەن كۇرەسۋ شىعىندارىن ارتتىرىپ وتىر. ال بۇل شىعىن جىلدان جىلعا ارتىپ كەلەدى. ءوز كەزەگىندە الەمدىك ەكونوميكاعا وراسان زور سالماق سالىپ وتىر.
سەمىزدىك الەمدىك ەكونوميكانى سالماعىمەن جانشىپ ەزىپ بارادى. تۋرا ماعىناسىندا. اسىرەسە، الەمنىڭ الدىڭعى قاتارلى دامىعان ەلدەرىندە، سونىڭ ىشىندە، ا ق ش، مەكسيكا جانە كانادا، ت. ب. كەرەعارلىقتى قاراڭىز: الەم بويىنشا 800 ميلليوننان اسا ادام تويىپ تاماق ىشپەيدى، ياعني، اشقۇرساق ءجۇر. ال الەمدە 700 ميلليوننان اسا ادام ارتىق سالماقتان زارداپ شەگەدى. ولاردىڭ 100 ميلليونى - بالالار.
جۋىردا ا ق ش-تاعى اۋرۋدىڭ الدىن الۋ جانە قاداعالاۋ جونىندەگى ورتالىق (CDC) كەلتىرگەن دەرەككە قاراعاندا، امەريكالىقتاردىڭ %40- ى ارتىق سالماقتان ەركىن ءجۇرىپ- تۇرا المايدى. ولاردىڭ %20,6 ى 12-19 جاس ارالىعىنداعى جاسوسپىرىمدەر. ال ءبىر عانا ا ق ش-تا سەمىزدىك ىندەتىنىڭ سالدارىمەن كۇرەسۋگە جىلىنا 200 ميلليارد دوللاردان اسا قاراجات جۇمسالادى ەكەن. بۇعان قوسا، سەمىزدىك ىندەتىنىڭ سالدارىمەن كۇرەسۋ شىعىنى مۇنىمەن عانا شەكتەلىپ قالمايدى، كەرىسىنشە وسپەسە، كەمىمەيدى.
ءار ەلدىڭ بيلىگى سەمىزدىك ىندەتىمەن كۇرەسۋ ءۇشىن ءتۇرلى شارالاردى قولعا الىپ، سالاماتتى ءومىر سالتىن ناسيحاتتاعانىمەن امەريكالىق تاماقتانۋ مادەنيەتى (تەز دايىندالاتىن فاست+فۋد، ت. ب. ) توقتامايىنشا، سەمىزدىك كۇرەستەن ەش ناتيجە شىقپايتىنىن العا تارتىپ وتىر ساراپشىلار. امەريكالىقتار وسىلايشا الەمنىڭ ءار تۇكپىرىنە لوببيستەر ارقىلى وزدەرىنىڭ تاعام ونىمدەرىن وتكىزۋدى، ياعني، ەكسپورتتاۋدى جولعا قويىپ الدى. ماسەلە، ا ق ش-تىڭ كورشىسى مەكسيكانىڭ جاعدايىن الايىق.
1993 -جىلى ا ق ش-پەن ەركىن ساۋدا كەلىسىمىن جاساعالى بەرى مەكسيكادا سەمىزدىك ىندەتىنىڭ دەڭگەيى كۇرت كوتەرىلىپ كەتكەن. فاست-فۋدتىڭ، ت. ب. تاعام ونىمدەرىنىڭ جارناماسىنىڭ دا اتالعان ەلدەگى سەمىزدىك ىندەتىنىڭ ەتەك الۋىنا تىكەلەي اسەر ەتكەن فاكتورلاردىڭ ءبىرى بولدى. ا ق ش-پەن ەركىن ساۋدا كەلىسىمى جاسالعان 1993 -جىلدان 2014 -جىلعا دەيىن مەكسيكادا ارتىق سالماقتان زارداپ شەگەتىندەر قاراسى ءۇش ەسە ارتىپ كەتكەن. ا ق ش-تىڭ سولتۇستىكتەگى كورشىسى كانادا دا وسى جاعداي ورىن العان.
islam.kz