تارازدىق دارىگەرلەر جاساندى جۇرەك سالۋ وپەراتسياسىن وتكىزدى

استانا. قازاقپارات -  تارازدىق دارىگەرلەر العاش رەت جۇرەكتىڭ سول جاعىن الماستىرۋ وپەراتسياسىن جاسادى. بۇعان مەديتسينا سالاسىنا ەنگىزىلگەن زاماناۋي تەحنولوگيا جانە شەتەلدىك عالىمدارمەن تىعىز جۇمىس ىستەۋدىڭ ارقاسىندا قول جەتىپ وتىر.

 مۇنداي حيرۋرگيالىق ەمدىك شارالارى سوزىلمالى جۇرەك جەتىسپەۋشىلىگى كەزىندە اسا قاجەت. بۇگىندە ەلىمىزدە جۇرەككە دونور تاپشى. مامانداردىڭ ايتۋىنشا، ءدال وسى وپەراتسيالار ناۋقاسقا دونور تابىلعانعا دەيىن ءومىر سۇرۋىنە مۇمكىندىك بەرەدى.

قازىر وسى تاقىرىپتا قالادا حالىقارالىق كونفەرەنسيا ءوتىپ جاتىر. وعان ەلىمىزبەن قاتار جاپونيا، تۇركيا، ءۇندىستان، پاكىستان مەملەكەتتەرىنىڭ ۇزدىك دەگەن كارديولوگ ماماندارى قاتىسۋدا. ايتا كەتۋ كەرەك، بۇگىندە وڭىردە 250-گە جۋىق ادام كارديوەسەپتە تۇر.

سەيتحان جوشىبايەۆ، عىلىمي- كلينيكالىق كارديوحيرۋرگيا جانە ترانسپلانتولوگيا ورتالىعى ديرەكتورى:

- 5 جىل قولدانۋعا بولادى. 3 جىلدىڭ ىشىندە وعان دونور تابىلىپ قالسا جۇرەكتى ادامنىڭ جۇرەگىنە الماستىرۋعا بولادى. بۇل ادامدار كادىمگىدەي ءجۇرىپ، دالاعا شىعىپ وزىنشە ءجۇرىپ ونشا- مۇنشا جەڭىل جۇمىستاردى، داجە ماشينا ايداۋ، موتوسيكل ايداپ جۇرگەندەرى دە بار. بۇل ۇلكەن جەتىستىك دەپ ويلايمىز. ارينە بۇل الدىعا وزىپ كەتتىك، شىعىپ كەتتىك دەمەيمىز. ءالى دە الدىعا قويعان ماقسات، ىستەيتىن ىستەر كوپ.

www.24.kz