قازاقستان تۋماسى ارمەنيانىڭ قورعانىس ءمينيسترى بولىپ تاعايىندالدى

استانا. قازاقپارات -  ارمەنيا پرەزيدەنتى ەلدىڭ جاڭا قورعانىس ءمينيسترىن تاعايىندادى. ول جاڭا قىزمەتكە بۇرىنعى توتەنشە جاعدايلار ءمينيسترىنىڭ مىندەتىن اتقارۋشى داۆيد تونوياندى قويعان. بۇل تۋرالى ارمەنيا پرەزيدەنتىنىڭ باسپا ءسوز قىزمەتى حابارلادى،

 دەپ جازادى Stan.kz اقپاراتتىق اگەنتتىگى.

 «داۆيد تونويان ارمەنيا رەسپۋبليكاسىنىڭ قورعانىس ءمينيسترى بولىپ تاعايىندالسىن»، - دەلىنگەن بۇيرىقتا.

ايتا كەتەيىك، تونويان 1967 -جىلى وسكەمەن قالاسىندا تۋعان. ول رەسەيدەگى ەريەۆان مەملەكەتتىك ۋنيۆەرسيتەتى مەن اسكەري- ديپلوماتيالىق اكادەميانى بىتىرگەن. اعىلشىن، ورىس جانە فرانسۋز تىلدەرىن ەركىن مەڭگەرگەن. كەڭەس اسكەرىندە قىزمەت ەتكەن، 1994 -جىلدان باستاپ ارمەنيا قورعانىس مينيسترلىگىنىڭ قۇرىلىمىندا جۇمىس ىستەيدى.

دەرەككوزى: stan.kz