سولتۇستىك كورەياداعى يادرولىق پوليگونىڭ جابىلۋ راسىمىنە جۋرناليستەر قاتىسادى

سەۋل. قازاقپارات - سولتۇستىك كورەيا سەنبىدە ەلدىڭ سولتۇستىگىندەگى يادرولىق پوليگوننىن جابۋعا قاتىستى «تەحنيكالىق ءىس- شارالار» قابىلدايتىنىن جاريا ەتتى.

 پوليگوندى جابۋ تۋرالى كەلىسىمگە ساۋىردەگى وڭتۇستىك جانە سولتۇستىك كورەيانىڭ تاريحي سامميتىندە قول جەتكىزىلگەن بولاتىن، دەپ حابارلايدى ريەنحاپ اگەنتتىگى.

مەملەكەتتىك كورەي ورتالىق اقپاراتتىق اگەنتتىگى حابارلاۋىنشا، سولتۇستىك كورەيانىڭ سىرتقى ىستەر مينيسترلىگى تاراتقان باسپا ءسوز حابارلاماسىندا پحۋنگەريدەگى يادرولىق پوليگوننىڭ جابىلۋىنا قاتىستى جوسپار تولىق كورسەتىلگەن.

اعىلشىنشا مالىمدەمەدە بيلىكتىڭ جۇمىسشى پارتياسى مەن باسقا دا جاۋاپتى مەكەمەلەر «يادولىق سىناقتاردىڭ تولىق توقتاتىلۋىن قامتاماسىز ەتۋ» ءۇشىن «سولتۇستىكتەگى يادرولىق پوليگوندى جابۋعا قاتىستى تەحنيكالىق ازىرلىكتەر جۇرگىزىلۋدە» دەلىنگەن.

27 - ساۋىردە ءۇشىنشى كورەياارلىق سامميتتە سولتۇستىك كورەيانىڭ باسشىسى كيم چەن ىن وڭتۇستىك كورەيلىك ارىپتەسى مۋن چجە ينگە «يادرولىق پووليگوندى مامىردا جاباتىنىن» ايتقان. مۇنى وڭتۇستىك كورەيا پرەزيدەنتىنىڭ اكىمشىلىگى راستاپ وتىر.

كيم سونىمەن بىرگە پوليگوننىڭ جابىلۋىن جاريالى تۇردە وتكىزۋدى ۇسىندى. سولتۇستىك كورەيانىڭ سىرتقى ىستەر مينيسترلىگى مالىمدەۋىنشە، جابىلۋ ءراسىمى 23-25 - مامىر ارالىعىندا اۋا رايى قولايلى ءبىر كۇندە وتكىزىلەدى.

 باقىلاۋ كەڭىستىكتىڭ شەكتەۋلى بولۋىنا بايلانىستى جابىلۋ راسىمىنە وڭتۇستىك كورەيا، قىتاي، رەسەي، ا ق ش جانە  ۇلى بريتانيانىڭ جۋرناليستەرى عانا شاقىرىلادى.

جانىبەك امانگەلدى