ايگۇل يمانبايەۆا بايان الاگوزوۆانىڭ قولداۋىمەن پراگادا بەينەبايان ءتۇسىردى

استانا. قازاقپارات - ايگۇل يمانبايەۆا كوبىنەسە اكتريسالىق قىرىن دامىتىپ، انشىلىكتى ەكىنشى ورىنعا ىسىرىپ قوياتىن ونەر يەلەرىنىڭ قاتارىنان.

سوندىقتان دا يمانبايەۆا ءبىراز ۋاقىتتان بەرى ەسترادادان قول ءۇزىپ قالعان بولاتىن. تاياۋدا ءانشى بۇل ولقىلىقتىڭ ورنىن تولتىردى، دەپ حابارلايدى Stan.kz اقپاراتتىق اگەنتتىگى.

ول پروديۋسەر بايان الاگوزوۆانىڭ قولداۋىمەن، چەحيا ەلىندە بەينەبايان تاسپالادى. بۇل ورايدا بايان مەن ايگۇلدىڭ بۇرىننان بىرگە جۇمىس ىستەيتىنىن ايتا كەتەيىك.

سۋ جاڭا تۋىندى Senorita دەپ اتالادى. ءاننىڭ سازىن - يۆان برەۋسوۆ، ال ءسوزىن - اقىن قۇرماناي باقتيار قىزى جازعان.

ايتپاقشى، ايگۇلدىڭ بەينەباياندى چەحيا استاناسى پراگا قالاسىندا ءتۇسىرۋى بەكەر ەمەس. اكتريسانىڭ جالعىز ۇلى اسىلجان اتالعان قالادا وقىپ جاتىر. بولاشاق رەجيسسەر اسىلجان العاش رەت اناسىنىڭ كليپ تۇسىرۋىنە ءوز ۇلەسىن قوسقان ۇقسايدى.