قازاقستاندىق بويجەتكەن يتاليادا وتكەن حالىقارالىق بايقاۋدا جەڭىسكە جەتتى
ول دج. روسسيني اتىنداعى XV حالىقارالىق بايقاۋعا قاتىسقان.
بۇل تۋرالى ەلوردا اكىمدىگىنىڭ رەسمي سايتى حابارلايدى.
مۋزىكالىق بايقاۋ 26-30- ءساۋىر ارالىعىندا داڭقتى كومپوزيتور دجواككينو ءروسسينيدىڭ تۋعان جەرىندە، يتاليانىڭ پەزارو قالاسىندا وتكەن.
بايقاۋدا ءار ەلدەن كەلگەن تالانتتى مۋزىكانتتار باق سىناستى. ونىڭ ىشىندە وتانداسىمىز ايزادا كاپونوۆا دا بار.
بايقاۋدىڭ 15 جىلدىق تاريحىندا دج. روسسيني تەاترى ساحناسىندا 3000 عا جۋىق ونەرپاز ونەر كورسەتتى. ولاردىڭ باسىم دەنى حالىقارالىق دارەجەدە مويىندالعان.
بيىل كلاسسيكالىق ۆوكال نوميناتسياسىندا اتاقتى پەرۋاندىق تەنور ەرنەستو پالاچيو قازىلىق ەتكەن.
«استانا وپەرا» تەاترىنىڭ ۇجىمى جەڭىسكە جەتكەن ارىپتەستەرىن قۇتتىقتاپ، شىعارماشىلىق تابىس تىلەدى.
«حالىقارالىق بايقاۋعا قاتىسۋ - ول جاڭا تاجىريبە. وپەرا ونەرىنىڭ وتانى - يتاليادا ءوز ەلىمدى لايىقتى تۇردە تانىستىرعانىما قۋانىشتىمىن»، - دەيدى ايزادا كاپونوۆا.