كورەيادا قازاقستان اتىنان سۇلۋلىعى ءۇشىن جۇلدە العان ايدانا مەدەنوۆا: شەتەلدىكتەر كوركىمە كۇمانمەن قارادى

استانا. قازاقپارات - كورەي ەلىندە وتكەن فەستيۆالدە ءانشى ايدانا مەدەنوۆا قانداي ماراپاتقا يە بولدى. حالىق ءانشىنىڭ نە سەبەپتى جۇلدەلى بولعانىن تۇسىنبەي قالدى.

«بۇل ايگىلى جۇلدىز دەگەن جۇلدە. كوبىسى ينستاگرام جەلىسىندە تۇسىنبەي قالدى. ويتكەنى كوپ اقپارات جىبەرە المادىق. عالامتورمەن جىبەرۋ جاعىنان كىشكەنە پروبلەمالار بولدى. ورتالىق ازيادا قازاقستاننىڭ اتىنان ايگىلى جۇلدىز دەگەن سياقتى، نوميناتسيادا ستاتۋەتكاسىن الدىم. قازاقستاننىڭ اتىنان، قازاقستاننىڭ كەلبەتى رەتىندە مەنى عانا شاقىردى»، - دەيدى ءانشى 31- ارناعا بەرگەن سۇحباتىندا.

بۇل جىل سايىن وتەتىن «ازيا كەلبەتى» اتتى فەستيۆال. ءانشى ونەر كورسەتپەي-اق سۇلۋلىعى ءۇشىن جۇلدەلى بولعان.

ءبىر قىزىعى، كورەيلەر وزدەرىن قولدان سۇلۋ ەتىپ الاتىندىقتان، ايدانانى دا پلاستيكالىق وتا جاساتقان دەپ ويلاپتى. ايدانا ولارعا «انامنان وسىلاي تۋدىم» دەپ جاۋاپ بەرگەن.