تاشكەنتتە ماعجان جۇمابايەۆتىڭ وزبەك تىلىندەگى كىتابى تانىستىرىلدى
اتاپ ايتقاندا، الىشەر ناۋاي اتىنداعى تاشكەنتتەگى وزبەك ءتىلى جانە ادەبيەتى مەملەكەتتىك ۋنيۆەرسيتەتىندە «حالىقارالىق تۇركولوگياداعى وزبەك ءتىلىنىڭ ءرولى مەن ىنتىماستاستىقتىڭ كەلەشەگى» اتتى عىلىمي كونفەرەنسيا وتكىزىلدى. اتالمىش كونفەرەنسيادا بۇكىل تۇركى الەمىنىڭ رۋحاني دامۋىنا قاتىستى ماڭىزدى سۇراقتار تالقىلاندى.
كونفەرەنتسيادا قازاقستان، وزبەكستان، ازەربايجان جانە قىرعىزستان ەلدەرىنىڭ عىلىم وكىلدەرى قاتىستى.
شارا بارىسىندا العى سوزبەن قر- نىڭ وزبەكستانداعى توتەنشە جانە وكىلەتتى ەلشىسى ەرىك وتەمبايەۆ ورتاعا شىعىپ، اتالعان سيپاتتاعى شارا مەملەكەتتەر اراسىندا بارلىق سالا بويىنشا تابىستى ىنتىماقتاستىقتىڭ العىشارتىن جاسايتىنىن اتاپ ءوتتى.
«بۇگىن ءبىز جىبەك جولىنىڭ، جاھاندىق پروتسەستەردىڭ قايتا ورلەپ كەلە جاتقانىن ايتا الامىز. مەن كونفەرەنسياعا قاتىسۋشىلاردىڭ بارلىعىنا ۇلكەن جەتىستىكتەر تىلەي وتىرىپ، باسقوسۋلارىڭىز تابىستى بولسىن دەپ تىلەيمىن. ءبىزدىڭ كەزدەسۋلەرىمىزدىڭ بارلىعى ءوزارا ىنتىماقتاستىقتىڭ بەرىك ىرگەتاسىن قالايدى. ەڭ باستىسى، وزدەرىڭىز بىلەتىندەي، ق ر پرەزيدەنتى نۇرسۇلتان نازاربايەۆ ءبىزدىڭ رۋحاني ورلەۋ پروتسەسىمىزدى بۇرىننان-اق جان-جاقتى دايىنداپ كەلەدى. سوندىقتان، مەنىڭ ويىمشا، وسى كونفەرەنسيادا ونىڭ «رۋحاني جاڭعىرۋ» اتتى تولاعاي ەڭبەگىندە ايقىن كورسەتىلگەن نەگىزگى باعىتتارىمەن تانىساسىزدار»، - دەدى ەرىك وتەمبايەۆ.
بۇدان كەيىن ءسوز سويلەگەن حالىقارالىق تۇركى اكادەمياسىنىڭ پرەزيدەنتى دارحان قىدىرالى تۇركى حالىقتارىنىڭ مادەني جاقىندىعى مەن رۋحاني بايلىعى تۋرالى ءسوز قوزعادى.
«ءبىزدىڭ بۇگىنگى كەزدەسۋىمىز - بۇكىل تۇركى ەلدەرىنىڭ ىنتىماقتاستىعىن كەڭەيتۋ ماقساتىندا جاسالعان العاشقى قادامداردىڭ ءبىرى. ءبىز وزبەكستاننىڭ عالىمدارىنسىز تۇركى تاريحىن قالاي جازا الامىز نەمەسە وزبەكستانسىز تۇركى الەمى تۋرالى قالاي ايتا الامىز؟ سونىمەن قاتار، ءبىز وزبەكستان پرەزيدەنتى شاۆكات ميرزيەيەۆتىڭ وزبەكستاننىڭ تۇركى كەڭەسىنە قاتىساتىنى تۋرالى ايتقان سوزىنە وتە قۋانىشتىمىز»، - دەدى دارحان قىدىرالى.
سونىمەن قاتار، تۇركى ەلدەرىنىڭ عىلىمي ورتالارىنىڭ كەزدەسۋلەرى اياسىندا بەلگىلى قازاق اقىنى ماعجان جۇمابايەۆتىڭ وزبەك تىلىندەگى جيناعىنىڭ تانىستىرىلىم ءوتتى. جيناقتى وزبەك جازۋشىسى مۇزافار احماد وزبەك تىلىنە اۋدارىپ شىققان. كىتاپتىڭ سالتاناتتى تانىستىرىلىمىن ق ر- نىڭ وزبەكستانداعى توتەنشە جانە وكىلەتتى ەلشىسى ەرىك وتەمبايەۆ پەن الىشەر ناۋاي اتىنداعى تاشكەنتتەگى وزبەك ءتىلى جانە ادەبيەتى مەملەكەتتىك ۋنيۆەرسيتەتىنىڭ رەكتورى شۋحرات سيروجيددينوۆ وتكىزدى.
ءوز كەزەگىندە دارحان ءقىدىرالى ماعجان جۇمابايەۆتىڭ جيناعىنىڭ وزبەك تىلىنە اۋدارىلعانى ءۇشىن وزبەك تاراپىنا زور العىسىن ءبىلدىردى. وسىعان بايلانىستى مۇزافار احماد اتقارعان اۋقىمدى ەڭبەگى ءۇشىن حالىقارالىق تۇركى اكادەمياسىنىڭ مەدالىمەن ماراپاتتالدى. سونىمەن بىرگە، حالىقارالىق تۇركى اكادەمياسىنىڭ مەدالىنە ماعجان جۇمابايەۆتىڭ شىعارماشىلىعى تۋرالى ءبىرقاتار عىلىمي كونتسەپتسيالار مەن زەرتتەۋلەر جۇرگىزگەن فيلولوگيا عىلىمدارىنىڭ دوكتورى، پروفەسسور ءناسىمحان راحمانوۆ يە بولدى.
كونفەرەنسيا بارىسىندا سونىمەن قاتار، حالىقارالىق تۇركى اكادەمياسى مەن الىشەر ناۋاي اتىنداعى تاشكەنتتەگى وزبەك ءتىلى جانە ادەبيەتى مەملەكەتتىك ۋنيۆەرسيتەتى اراسىندا ىنتىماقتىق جونىندەگى مەموراندۋمعا قول قويىلدى.
كونفەرەنتسيانىڭ سوڭىندا قازاقستاندىق دەلەگاتسيا وزبەكستان مەملەكەتتىك ونەر مۋزەيىندە قازاقتىڭ ۇلى ويشىلى، اقىن ءارى اعارتۋشىسى اباي قۇنانبايەۆقا ارنالعان كەشكە قاتىستى. اتالعان كەشتە سونداي-اق، اباي قۇنانبايەۆ جايلى وزبەك رەجيسسەرى گياس شەرمۋحاممەدوۆ تۇسىرگەن دەرەكتى فيلم كورسەتىلدى.
قازاقستاندىق عىلىمي دەلەگاتسيانىڭ قۇرامىنا اقىن، قازاقستان جازۋشىلار وداعىنىڭ ءتوراعاسى ۇلىقبەك ەسداۋلەت، اكادەميك، م. اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى ءۋاليحان قاليجانوۆ، س. سەيفۋللين اتىنداعى مۋزەي ديرەكتورى نەسىپبەك ايت ۇلى، ق ر ورتالىق مەملەكەتتىك مۋزەيىنىڭ ديرەكتورى نۇرسان ءالىمباي، «ماعجان» كوركەم-ادەبي جۋرنالىنىڭ باس رەداكتورى جاراسباي سۇلەيمەنوۆ، پروفەسسور، فيلولوگيا عىلىمدارىنىڭ دوكتورى قۇلبەك ەرگوبەك ەندى.