استانالىقتارعا توياتانىڭ جاڭا ۇلگىسى تانىستىرىلدى
تىڭ ديزاين، ەرگونوميكا، ەرەكشە ينتەرەر، يننوۆاتسيالىق ارحيتەكتۋرالىق پلاتفورما، باسقارۋ مەن قاۋىپسىزدىكتىڭ جاڭا ستاندارتتارى - بۇنىڭ بارلىعى جاڭا Camry 70- تىڭ ارتىقشىلىقتارى. Toyota-نىڭ ينجەنەرلەرى جوبالاۋدىڭ جاڭا ءادىسى - TNGA (Toyota New Global Architecture) جاھاندىق مودۋلدىك ارحيتەكتۋرانى قولداندى. سونىڭ ناتيجەسىندە كولىك جۇرگىزۋ كەزىندە ادام ەرەكشە راحات الادى. سەبەبى كولىك اەروديناميكاسى جاقسارا ءتۇستى، سالوندا سىرتتاعى دىبىستار دا ەستىلمەيدى.
جاڭا Camry 70 سالونى بۇرىنعىسىنان وزگەشە. وسى جولى مۇلدەم باسقا تەكستۋرالار مەن جوعارى ساپالى ماتەريالدار قولدانىلدى. ازىرشە، كليەنتتەرگە Beige جانە Black تۇستەرى ۇسىنىلىپ وتىر. سونىمەن قاتار، Tiger Eye ورنەگىمەن ارلەنگەن سالون دا بار. ال شاناق بوياۋىنىڭ ءۇش ءتۇرى ۇسىنىلعان. ولار - Midnight Emerald Blue (كوك) ، Platinum White Pearl Metallic (سەدەپ ەففەكتىسى بار اق مەتالليك) جانە Graphite Metallic (قاراقوشقىل مەتالليك) .
كولىكتە ءۇش ىڭعايلى ديسپلەي بار. اتاپ ايتقاندا، 10 ديۋيمدى ءتۇرلى- ءتۇستى پروەكتسيالىق ديسپلەي، 7 ديۋيمدى كوپ فۋنكتسيونالدى اقپاراتتىق ديسپلەي، ورتالىق كونسول ۇستىندە ورنالاسقان Go ناۆيگاتسياسىمەن قامتاماسىز ەتىلگەن 8 ديۋيمدى Toyota Touch® 2 مۋلتيمەديلىق جۇيەسى. Toyota Touch® 2 Go جۇيەسى 22 تىلگە اۋدارىلىپ وتىر. Wi-Fi تەحنولوگياسى دا بار. سونىڭ ارقاسىندا كولىك ىشىندە ونلاين قىزمەتتەرگە سمارتفون ارقىلى قوسىلۋعا مۇمكىندىك بار. ناقتى كارتوگرافيالىق اقپاراتپەن قامتاماسىز ەتىلگەن ناۆيگاتسيالىق جۇيە قالالاردىڭ ءۇش ولشەمدى ۇلگىلەرىن، جولداعى جاعدايدى، اپاتتىق قىزمەتتەردى شاقىرۋ مۇمكىندىكتەرىن كورسەتىپ وتىرادى.
اۆتوموبيلدىڭ باستاپقى باعاسى 970000 8 تەڭگەدەن، ال ەڭ تانىمال كولەمى 2,5 ل قوزعالتقىشتى كولىكتىڭ باعاسى 240000 10تەڭگەدەن باستالادى.
ورتالىق ديرەكتورى مارات سماعۇلوۆتىڭ ايتۋىنشا، 2 ليترلىك كومپلەكتاتسيانى ەشبىر قيىندىقسىز الۋعا بولادى. ال 2,5 ليترلىك Camry گە الدىن الا تاپسىرىس بەرۋ كەرەك. اتالعان كولىكتەر مامىردىڭ سوڭىندا، يا بولماسا، ماۋسىمنىڭ باسىندا كەلەدى.
«بۇگىننەن باستاپ 2,5 ليترلىك پرەستيج جانە پرەستيج + كولىكتەرىنىڭ رەسمي ساتىلىمى باستالىپ وتىر. بۇعان دەيىن 2 ليترلىكتى 9 ادام ساتىپ الىپ كەتتى. نەگىزى، سۇرانىس جوعارى. كليەنتتەر كۇتەمىز دەيدى. باعاسى دا قىمبات ەمەس. بۇرىنعى كولىكتەرمەن سالىستىرعاندا، ءۇش- اق پروتسەنتكە ارتىق. باس كەزىندە 8 پروتسەنتكە قىمبات بولادى دەگەن. قازىر كۇندە شامامەن 5 تاپسىرىس تۇسەدى» ، - دەپ اتاپ كورسەتتى م. سماعۇلوۆ جۋرناليستەرگە بەرگەن سۇحباتىندا.
ايتا كەتەيىك، «Camry 70» - تىڭ تانىستىرىلىمى ەكى قالادا - استانا مەن الماتىدا قاتار ءوتتى.