ساعىنتايەۆ ونەركاسىپتىك دامۋ جونىندەگى كوميسسيانىڭ وتىرىسىن وتكىزدى
وتىرىس بارىسىندا 2015-2019 -جىلدارعا ارنالعان رەسپۋبليكالىق يندۋستريالاندىرۋ كارتاسى جوبالارىنىڭ جاڭا ءتىزىمىن ازىرلەۋ جانە دامىتۋ ماسەلەلەرى تالقىلاندى.
ينۆەستيتسيالار جانە دامۋ ءمينيسترى ج. قاسىمبەك ءوز سوزىندە قازىرگى كارتا 28 جوبادان، ونىڭ ىشىندە ىسكە اسىرۋدىڭ بەكىتىلگەن مەرزىمىمەن 6,7 تريلليون سوماعا 19,8 مىڭ تۇراقتى جۇمىس ورنىن اشۋمەن 22 جوبا جانە 6 پەرسپەكتيۆالىق جوبادان تۇراتىنىن اتاپ ءوتتى. بۇگىنگى تاڭدا كارتا اياسىندا 2,2 تريلليون تەڭگەگە 6 جوبا ىسكە قوسىلدى، 4,3 مىڭ جۇمىس ورنى اشىلدى. كارتاعا 1,2 مىڭنان استام تۇراقتى جۇمىس ورنىن اشۋمەن، جالپى سوماسى 456,2 ميلليارد تەڭگە بولاتىن قوسىمشا ءۇش جاڭا جوبانى ەنگىزۋ ۇسىنىلىپ وتىر. اتالعان جوبالاردى ىسكە قوسۋ 2017-2021 -جىلدارعا جوسپارلانعان.
وتىرىس قورىتىندىسى بويىنشا پرەمەر- مينيستر جاۋاپتى مەملەكەتتىك ورگاندارعا 2015-2019 -جىلدارعا ارنالعان يندۋستريالاندىرۋ كارتاسىن وزەكتەندىرۋ بويىنشا ءبىرقاتار ناقتى تاپسىرمالار بەردى.