قازاقستان اۋماعىنان بەيجىڭ- الماتى- سانكت- پەتەربۋرگ اۆتوشەرۋى وتەدى
الدىمەن «جىبەك جولى-2018» حالىقارالىق راللي- رەيدى جۇرەدى. ونىڭ اياسىندا سپورت تەحنيكالارى مەن اۆتوموبيلدەرى سيان قالاسىندا ستارت الىپ، قازاقستان اۋماعىنان وتەدى. ال ەكىنشى حالىقارالىق ءىرى راللي - بەيجىڭ- الماتى- سانكت- پەتەربۋرگ اۆتوشەرۋى 2018 -جىلدىڭ قىركۇيەگىندە وتەدى. وندا ارناۋلى تەحنيكالاردىڭ جاڭا تۇرلەرى سىناقتان وتەدى.
«جىبەك جولى» ءرالليىنىڭ ديرەكتسياسى قىركۇيەكتەگى اۆتوشەرۋدىڭ باعدارىن ازىرلەپ جاتىر.
اتالعان جوبالار قازاقستان رەسپۋبليكاسى مادەنيەت جانە سپورت مينيسترلىگى جانە قازاقستان رەسپۋبليكاسى اۆتوموتوسپورت فەدەراتسياسىمەن ىنتىماقتاستىقتا اۋقىمدى ۇيىمداستىرۋ- تەحنيكالىق جۇمىستارىن ورىنداۋدى تالاپ ەتەدى. Silk Way Rally ديرەكتسياسى قايرات بورانبايەۆ باسشىلىعىندا «المالى» ابك حولدينگىمەن تىعىز ىنتىماقتاستىق جاساپ وتىر.
ەسكە سالا كەتەيىك، 2016 -جىلى ترانسۇلتتىق مارافون قاتىسۋشىلارى «جىبەك جولىن» الەمدەگى ەڭ قيىن جارىس دەپ اتاعان بولاتىن. Silk Way Rally باعدارى 2016 -جىلى دا قازاقستان اۋماعىنان ءوتىپ، قوستاناي، استانا، بالقاش، الماتى قالالارىندا دامىلداعان بولاتىن. ال 2017 -جىلى اۆتوشەرۋ باعدارى قازاقستاننىڭ قوستاناي، استانا، سەمەي، ءۇرجار قالالارىنان وتكەن.