استاناعا مارسقا كوشۋگە بەل بۋعان عالىم كەلەدى
ادريانا مارايس Mars One جوباسىنىڭ قاتىسۋشىسى بولىپ وتىر. ونىڭ اياسىندا مارسقا ساپارلاۋمەن قاتار، كەيىننەن ونىڭ بەتىندە كولونيا قۇرىپ، پلانەتادا بولىپ جاتقاننىڭ بارلىعىن ترانسلياتسيالاۋ جوسپارلانعان.
مارايس ىرىكتەۋدىڭ بارلىق تۋرلارىنان ءوتىپ، مارسقا باعىت الاتىن العاشقى تورتتىكتىڭ قۇرامىنا ەندى.
«استانا ەكونوميكالىق فورۋمى كەزىندە، ياعني 18 - مامىردا ول «ايەلدەر كوشباسشىلىعى قازىرگى زامانعا قالاي اسەر ەتەدى» سەسسياسىندا سپيكەر بولادى» ، - دەپ اتاپ وتىلگەن «EXPO&WOMEN» حالىقارالىق قوعامدىق ۇيىم سايتىندا.
«ءبىزدىڭ سەسسياداعى باستى پروبلەمالى سۇراققا اتالعان ايەلدىڭ ەرەكشە باتىل قادامىندا جاۋاپ بەرىلىپ وتىر. ول بەلگىسىز دۇنيەنى زەرتتەۋگە بەل بۋدى» ، - دەپ حابارلادى ۇيىم وكىلدەرى.
ادريانا وڭتۇستىك افريكادا كەيپتاۋن ۋنيۆەرسيتەتىندە فيزيكا جانە فيلوسوفيا سالالارىندا عالىم دارەجەسىن الدى. وقۋ ورنىن ءتامامداعاننان كەيىن ول كۆازۋلۋ- ناتالدا كۆانت كريپتوگرافياسىنىڭ ماگيسترى اتاندى. مۇنىمەن توقتاماي، ادريانا فيزيكادا فيلوسوفيا دوكتورى دارەجەسىن قورعادى. بۇگىندە ونىڭ كۆانت فيزيكاسى جانە بيوفيزيكا سالاسىندا ءبىرقاتار عىلىمي ماقالالارى جاريالاندى.
فوتو: cdn1.nyt.com