قوسشى اۋىلى استاناعا قوسىلا ما - اكىمنىڭ جاۋابى

استانا. قازاقپارات - اقمولا وبلىسىنىڭ اكىمى مالىك مىرزالين ەلوردانىڭ ىرگەسىندەگى قوسشى اۋىلىن استاناعا قوسۋ تۋرالى سۇراققا جاۋاپ بەردى، دەپ حابارلايدى قازاقپارات ءتىلشىسى.

 «قوسشىنىڭ گەوگرافيالىق مارتەبەسى تۋرالى ايتار بولسام... بۇل سۇراق ماعان ءجيى قويىلادى. اسىرەسە، ونى قوسشىلىق تۇرعىندار كوپ قويعان بولاتىن. بارلىق الەم استانالارىنىڭ ماڭىندا استانا اۋماعىنا كىرمەيتىن، ءبىراق وعان جاقىن وبلىسقا قارايتىن پۋنكتەر بار. ەگەر قوسشى بۇگىن استاناعا قوسىلىپ كەتسە، وندا ەرتەڭ ءدال وسىنداي ماسەلەنى العا تارتىپ، قوياندى، تالاپكەر، قاراوتكەل اۋىلدارىنىڭ تۇرعىندارى دا، «ءبىزدى استاناعا قوسىڭدار» دەپ شىعادى. مىنە، وسى لوگيستيكالىق تىزبەكتى جالعاستىرا بەرىپ، بۇكىل مەملەكەت ءبىر استانا بولعانىن قالايسىز با؟ ول مۇمكىن ەمەس. مۇندا ءتىپتى لوگيكا جوق. سوندىقتان، بۇل ماسەلە بىزدە عانا ەمەس، بارىندە بار»، - دەدى اكىم بۇگىنگى باسپا ءسوز ءماسليحاتىندا.

ونىڭ ايتۋىنشا، قوسشى تۇرعىندارى استاناعا قوسىلساق، ءومىر ءسۇرۋ جاعدايى جاقسارىپ كەتەدى دەپ ويلايدى.

«مەن سىزدەرگە ايتايىن - ولاي ەمەس. استاناعا ءتيىپ جاتقان سەلينوگراد اۋدانى وبلىستىق جانە رەسپۋبليكالىق بيۋدجەتتەن الاتىن سۋبۆەنتسيا بويىنشا اقمولا وبلىسىندا ءبىرىنشى ورىندا تۇر. دەمەك، سەلينوگراد اۋدانىنىڭ ءبىر تۇرعىنى كوكشەتاۋ، ستەپناگورسك نەمەسە وزگە دە اۋداننان گورى كوپ اقشا الادى. وسى تالداۋدى جالعاستىرايىن. سەلينوگرادتىق ءبىر تۇرعىن استانالىق ءبىر تۇرعىنمەن سالىستىرعاندا قانشا الاتىنىن سالىستىرىپ كورەيىن. ەگەر سەلينوگرادتىق تۇرعىنى ايتارلىقتاي از نەمەسە كوپ الماسا تاڭعالمايمىن. قالا شەتىندەگى اۋماقتاردى دامىتۋ كەشەنى بار. ول 2011 -جىلدان باستاپ جۇمىس ىستەپ كەلەدى. كوپتەگەن شارالار قولعا الىنۋدا»، - دەيدى ول.

مالىك مىرزالين باعدارلاما جالعاسقانىمەن، ءومىر وزگەرىپ كەلە جاتقانىن تىلگە تيەك ەتتى.

 «ۇكىمەت 2011 -جىلى وسى باعدارلامانى قولعا العاندا ستاتيستيكا بويىنشا قالا شەتىندەگى 34 ەلدىمەكەندە 48 مىڭ ادام تۇرعان. ال قازىر 150 مىڭعا جۋىق ادام بار. دەمەك، ءوسىم ەرەكشە. البەتتە، سوندىقتان، ءبارىن دە بىردەن جاساۋعا ۇلگەرمەي جاتىرمىز. وسىنى نازارعا الۋ كەرەك»، - دەپ ءتۇيدى مالىك مىرزالين.

اۆتور: ايان بەكەن ۇلى