استانادا ءابىش كەكىلبايەۆ اتىنداعى اللەيا اشىلادى
كەيىننەن بۇل اللەياعا قوعامدىق جانە ساياسي قايراتكەر، ەڭبەك ەرى، قازاقستاننىڭ حالىق جازۋشىسى، مەملەكەتتىك سىيلىق يەگەرى ءابىش كەكىلبايەۆتىڭ ەسىمى بەرىلەتىن بولادى، دەپ حابارلايدى ەلوردا اكىمدىگىنىڭ رەسمي سايتى.
ەكولوگيالىق ناۋقان «رۋحاني جاڭعىرۋ» باعدارلاماسىن جۇزەگە اسىرۋ اياسىندا استانا قالاسى «ەسىل» اۋدانى اكىمى اپپاراتىنىڭ ۇيىمداستىرۋىمەن وتەدى.
وعان ءا. كەكىلبايەۆتىڭ جۇبايى كلارا جۇمابايەۆا، جازۋشىنىڭ تۋعان-تۋىسقاندارى مەن كەكىلبايەۆتار جانۇياسىنىڭ دوس-جاراندارى، وسكەلەڭ ۇرپاقتىڭ وكىلدەرى قاتىسادى. سونىمەن قاتار، ءوز اعاشتارىن اللەيادا «ەسىل» اۋدانىنىڭ اكىمى تولەگەن زاكاريانوۆ پەن ەلوردانىڭ زيالى قاۋىم وكىلدەرى وتىرعىزادى دەپ كۇتىلۋدە.
وسىلايشا، «استانا وپەرا» وپەرا جانە بالەت تەاترىنا قاراما قارسى ۋچاسكەدە قاراعاي، ءسىبىر شىرشاسى، قىزىل شەتەن، ۇساق جاپىراقتى شەگىرشىن سياقتى اعاشتاردىڭ 250 گە تارتا كوشەتىن وتىرعىزۋ جوسپارلانعان.