قازاقستاندىق دومبىراشىلار حالىقارالىق فەستيۆالدىڭ باس جۇلدەسىن جەڭىپ الدى

استانا. قازاقپارات - قازاقتىڭ قاسيەتتى دومبىراسىن ارقالاپ، حالىقارالىق مۋزىكا بايقاۋلارىندا ونەر كورسەتىپ جۇرگەن «باستاۋ» توبى كەزەكتى جۇلدەسىنە قول جەتكىزدى.

 بۇل تۋرالى قازاقپارات تىلشىسىنە توپتىڭ پروديۋسەرى الپامىس ءشارىموۆ ايتىپ بەردى.

ءشارىموۆتىڭ ايتۋىنشا، «باستاۋ» توبى يزرايلدىڭ استاناسى يەرۋساليم قالاسىندا وتكەن

  International Festival-Contest «Music of World» - «الەم مۋزىكاسى» حالىقارالىق فەستيۆالدە ونەر كورسەتىپ، باس جۇلدەنى جەڭىپ العان.

اتالعان فەستيۆالگە دۇنيەجۇزىنەن 80-نەن استام مۋزىكانتتار قاتىسىپ، باقتارىن سىناعان. ولاردىڭ ونەرىنە حالىقارالىق دەڭگەيدەگى قازىلار تورەلىك ەتكەن.

«مەن «باستاۋ» توبىنىڭ ونەرىن وسىمەن ەكىنشى رەت تاماشالاپ وتىرمىن. بۇل جولى يەرۋساليمدە كوردىم. كەز كەلگەن ۇلتتىق ونەر جالپى الەم مادەنيەتىنىڭ وركەندەۋىنە ءوزىنىڭ ۇلەسىن قوسادى. ونىڭ شەكاراسى مەن شەگى جوق. وسى رەتتە، قازاق دومبىراشىلارى ۇلتتىق ونەرىن الەمگە ادەمى قىلىپ كورسەتىپ ءجۇر»، - دەيدى اتاقتى مۋزىكانت ميحايل كازينيك.

سونداي- اق، «باستاۋ» دومبىراشىلار توبى 8 - مامىر كۇنى تۇركيادا BRIDGE TV ارناسىنىڭ ارنايى ماراپاتىنا يە بولعان بولاتىن.

ايتا كەتەيىك، «باستاۋ» توبى 2017 -جىلى قۇرىلىپ، ءانشى ديماش قۇدايبەرگەننىڭ استانا قالاسىندا وتكەن «باستاۋ» كونسەرتىندە تۇساۋى كەسىلگەن ەدى.

اۆتور: مۇحتار قاليموللا ۇلى