21:28, 10 - مامىر 2018 | GMT +6
ەكىباستۇزدا الىپ ءسابي دۇنيەگە كەلدى
ەكىباستۇز. قازاقپارات - ەكىباستۇزداعى پەرزەنتحانادا الىپ ءسابي تۋدى. ونىڭ دۇنيەگە كەلگەن ساتىندەگى سالماعى 5,9 كيلوگرامدى قۇرادى، دەپ حابارلايدى قازاقپارات ءتىلشىسى.
جاڭا تۋعان ءسابيدىڭ اناسى ولەسيا بۋنينانىڭ ايتۋىنشا، سالماعى اۋىر بالانىڭ تۋاتىنىن كوپتەن كۇتىپ جۇرگەنمەن، سالماعى وسىنشا بولادى دەپ ويلاماپتى.
«كۇيەۋىمىز ەكەۋىمىزدىڭ دە بويىمىز بيىك، بۇعان دەيىنگى قىزدارىم دا دەنەلى بوپ تۋدى. دارىگەرلەر ماعان بالاڭ ۇلكەن دەپ ەسكەرتتى. ءبىراق مۇنداي سالماقتى ەشكىم بولجاعان جوق. ءجۇرىپ- تۇرۋىم قيىن بولدى. اكەسىنىڭ دە قۋانىشىندا شەك جوق، ال تۋىستارىمىز ازداپ ەسەڭگىرەپ قالعانى راس» ، - دەيدى ولەسيا بۋنينا.
قازىر ساۆەليي مەن اناسىن دارىگەرلەر ۇيىنە جىبەردى. پەرزەنتحاناداعىلاردىڭ ايتۋىنشا، سوڭعى جىلدارى سالماعى اۋىر سابيلەردىڭ تۋۋى جيىلەي باستاعان.