20:31, 10 - مامىر 2018 | GMT +6
ترامپ: سولتۇستىك كورەيادا تۇتقىندا بولعاندار ەلگە كەلە جاتىر
استانا. قازاقپارات - 9 - مامىردا ا ق ش پرەزيدەنتى دونالد ترامپ سولتۇستىك كورەيادا تۇتقىندا بولعان ءۇش امەريكالىق ازاماتتىڭ پحەنيانعا رەسمي ساپارمەن بارعان مەملەكەتتىك حاتشى مايك پومپەومەن بىرگە ەلگە قايتىپ كەلە جاتقانىن مالىمدەدى.
ترامپ پومپەو مەن ۇلتى كورەي ءۇش ا ق ش ازاماتىن كۇتىپ الۋ ءۇشىن ەندريۋس اۋەجايىنا ءوزى بارماق.
«مەملەكەتتىك حاتشى مايك پومپەو جۇرت اسىعا كۇتىپ وتىرعان جانىنداعى كەرەمەت ءۇش دجەنتەلمەنمەن بىرگە سولتۇستىك كورەيادان كەرى قايتىپ كەلە جاتقانىن قۋانىشپەن حابارلايمىن. ولاردىڭ جاعدايى جاقسى سياقتى» دەپ جازدى ترامپ Twitter پاراقشاسىندا.
ۇلتى كورەي ا ق ش- تىڭ ءۇش ازاماتى - كيم دونگ چۋل، توني كيم پەن كيم حاك سونگ سولتۇستىك كورەيادا ۇستالىپ، ۇزاق ۋاقىت تۇرمەدە وتىرعان.
www.azattyq.org