نۇرسۇلتان نازاربايەۆ: الماتى وبلىسى وزگە وڭىرلەرگە قاراعاندا كوش ىلگەرى

None
None
تالدىقورعان. قازاقپارات - ەلباسى نۇرسۇلتان نازاربايەۆ الماتى وبلىسىنداعى ساپارىن قورىتىندىلاپ ب ا ق وكىلدەرىنە سۇحبات بەردى، دەپ حابارلايدى قازاقپارات ءتىلشىسى.

پرەزيدەنتتىڭ وسىدان 3 جىل بۇرىن بەرگەن تاپسىرمالارى ورىندالىپ جاتىر. جەتىسۋ وڭىرىندە قانت قىزىلشاسى، جۇگەرى جانە سويا ءوندىرىسى تومەندەپ كەتكەن بولاتىن. مەملەكەت باسشىسىنىڭ تىكەلەي تاپسىرماسىمەن وڭىردە قانت ءوندىرىسى قايتا جانداندى. ماسەلەن بىلتىر الماتى وبلىسى 9 مىڭ گەكتارعا ءتاتتى ءتۇبىر ەگىپ، 350 مىڭ تونناعا جۋىق ءونىم جيناپ، 32 مىڭ توننادان استام تازا قانت شىعارعان بولاتىن. ال بيىل ەگىستىك القاپ كولەمىن 11 مىڭ گەكتار جەرگە جەتكىزۋدى جوسپارلاپ وتىر. شەكارالىق ايماقتىڭ الەۋەتىن ارتتىرۋ ءۇشىن بىرىكتىرىلگەن اۋداندار قايتا قۇرىلا باستادى. جالپى العاندا مۇنىڭ ءبارى وبلىس ەكونوميكاسىنىڭ قارقىندى دامۋىنىڭ بەلگىسى. ەلباسى الماتى وبلىسى وزگە وڭىرلەرگە قاراعاندا كوش ىلگەرى كەلە جاتقانىن تىلگە تيەك ەتتى.

نۇرسۇلتان نازاربايەۆ وبلىس اكىمى اماندىق باتالوۆتىڭ سوڭعى 3 جىلداعى جۇمىسىنا وڭ باعا بەردى. ەندىگى مىندەت ءوڭىردىڭ تۋريستىك الەۋەتىن كوتەرۋ. بيۋدجەت قارجىسىنا تاۋەلدى بولىپ وتىرعان اۋدانداردا ورتا جانە شاعىن بيزنەستى دامىتۋ.

اۆتور: سامال قابىشيەۆا

سوڭعى جاڭالىقتار