استانادا جاڭا ۇلگىدەگى مەشىت اشىلادى
مەشىتتىڭ باس يمامى جاقياقاجى يسمايلوۆتىڭ ايتۋىنشا، جاڭا مەشىت جەرگىلىكتى حالىق ءۇشىن ىڭعايلى جەردە تۇر. ۇلكەن اۆتوتۇراعى دا بار.
«مەشىتىمىز ورازانىڭ قارساڭىندا اشىلعالى وتىر. وسى جەردە تاراۋىق ناماز وقىلادى. حالىق كۇنىمەن، تۇنىمەن قۇلشىلىق جاسايدى. قادىر تۇنىندە دە مىڭداعان ادام كەلىپ، قۇلشىلىق جاساي الادى. ەرتەڭ، 11 - مامىردا ساعات 10:00 نىڭ كەزىندە بۇكىل حالىقتى جيناپ، جاڭا مەشىتىمىزدى اشامىز» ، - دەدى ج. يسمايلوۆ قازاقپارات تىلشىسىنە بەرگەن سۇحباتىندا.
ايتا كەتەيىك، اۆانگارد ۇلگىسىندە سالىنعان جاڭا مەشىتكە ىرىسكەلدى قاجىنىڭ اتى بەرىلىپ وتىر. مەشىتتىڭ كىرەبەرىسىندە شاعىن اۆتوتۇراق بار. بۇيىرىندە تاعى 300 كولىك سىياتىن تۇراق ورنالاسقان. ال مەشىتتىڭ اينالاسىندا بىرنەشە كۇن پانەلدەرىن ورناتىپ قويعان. كۇنقاعارلاردىڭ شاتىرىندا دا پانەلدەر بار. سونىڭ ارقاسىندا جاڭا مەشىتتى كۇن ەنەرگياسىمەن تولىعىمەن قامتاماسىز ەتۋگە بولادى.
ەلەكتريك مامانداردىڭ ايتۋىنشا، كۇن پانەلدەرىنىڭ قۋاتتىلىعى سونشا، ارتىق ەنەرگيانى قالالىق جەلىلەرگە ساتۋعا تولىق مۇمكىندىك بار.
«اۋا- رايى جاقسى بولىپ، كۇن شىعىپ تۇرعاندا 200 كۆت وندىرۋگە بولادى. سونىڭ 30-40 پروتسەنتى مەشىتكە تولىعىمەن جەتەدى. قالعانى قالاعا. ەندى، تۇندە قالانىڭ وزىنەن الامىز عوي. ول كەزدە 20-30 كۆت قاجەت. سوندا كۇندىز 150 كۆت- تى قالاعا بەرىپ، تۇندە ارى كەتسە 50 كۆت الساق، 100 كۆت- تان استامىن قالاعا بەرىپ وتىرامىز. جالپى، جاڭا مەشىتتە ەنەرگيا ۇنەمدەۋ تەحنولوگيالارىن قولدانۋ جاعى جاقسى ەسكەرىلگەن» ، - دەيدى ولار.
استانادا جاڭا ۇلگىدەگى مەشىت اشىلادىمەشىتتىڭ قۇرىلىسى باستالعاندا جوبالاۋشىلار جاڭا نىساننىڭ اۆانگارد ۇلگىسىندە بولاتىنى جايىندا ايتقان بولاتىن. ساۋلەتشى ساعىندىق جانبولاتوۆتىڭ سوزىنە قاراعاندا، بۇگىندە قازاقستاندا مەشىتتەردىڭ ەكى ءتۇرى بار. ول - وزبەك جانە تاتار ۇلگىسىندەگى مەشىتتەر.
«سولتۇستىك قازاقستاندا، كوبىنەسە، تاتار ۇلگىسىندە سالىنادى. ال وڭتۇستىكتە وزبەك پەن يران ءستيلىن ۇستانادى. استاناداعى مەشىت تازا قازاق ءستيلى مەن اۆانگاردتىڭ قوسىندىسى بولىپ سانالادى. نەگىزى، ونداي كونسترۋكتسيالار ءدىن قاعيداتتارىنا قايشى كەلمەيدى. وسى ىسپەتتى مەشىتتەر مالايزيا مەن گەرمانيادا بار» ، - دەيدى س. جانبولاتوۆ.
اۆتور: ارمان اسقاروۆ