ەلىمىزدە بالا ەمىزۋدەن جەرىنگەن انالار كوبەيىپ بارادى
قور دەرەكتەرىنە قاراعاندا، انا ءسۇتى ءسابيدىڭ اقىل- ويىنىڭ دۇرىس دامۋىنا سەپتىگىن تيگىزىپ، ءولىم- جىتىمگە اكەلەتىن اۋرۋلاردان قورعايتىندىعىنا قاراماستان دامىعان ەلدەردە سابيلەردىڭ 22 پايىزعا جۋىعى عانا ەمشەك ءسۇتىن ەمەدى. ال دامۋشى جانە كەدەي ەلدەردەگى بۇل كورسەتكىش نە ءبارى 4 پايىزعا عانا جەتەدى.
«2006 -جىلدان باستاپ قازاقستاندا 6 ايلىق جاسقا دەيىنگى بالالاردىڭ تەك قانا ەمشەك ءسۇتىن ەمۋ كورسەتكىشى 16,8 پايىزدان 2015 -جىلى 37,8 پايىزعا ۇلعايدى. قازاقستاندا 6 ايلىق بالالاردىڭ تەك ەمشەك ءسۇتىن ەمۋى اۋىلعا قاراعاندا قالالىق جەرلەردە كەڭىنەن (29,2 جانە سايكەسىنشە 34,4 پايىز) تارالعان. ەمشەك ءسۇتىن ەمەتىن 1 جاستاعى جانە ودان جوعارى جاستاعى بالالاردىڭ پايىزدىق قاتىناسى اۋىلدىق جەرلەرگە قاراعاندا، قالادا ءبىرشاما جوعارى» ، - دەلىنگەن تاراتىلعان اقپاراتتا.
قازاقستاندا 2015 -جىلى ءسابي دۇنيەگە كەلگەن العاشقى ساعاتتا شارانانى كەۋدەسىنە جاتقىزاتىن ايەلدەر 83,3 پايىزعا جەتكەن. بۇل كورسەتكىش 2006 -جىلى 64,2 ال 2011 -جىلى 67,8 پايىزعا جەتكەن.
سونىمەن قاتار، قور ءسابي ەمشەكتەن ەمىزۋ كورسەتكىشىنە ءتۇرلى فاكتورلاردىڭ اسەر ەتەتىندىگىن اتاپ وتكەن. اتاپ ايتقاندا، العاشقى مەديتسينالىق- سانيتارلىق كومەك كورسەتەتىن مەديتسينا قىزمەتكەرلەرى تاراپىنان انالار مەن جۇكتى ايەلدەرگە ساۋاتتى تۇردە كەڭەس جۇرگىزۋ شارالارى جەتكىلىكسىز. بۇعان قوسا، فارماتسيەۆتيكالىق كومپانيالار تاراپىنان جاساندى قوسپالاردى ناسيحاتتاۋ دا ەمشەكپەن ەمىزۋگە كەدەرگى بولىپ وتىر.