قازاقستان جاڭا بۋىنداعى اسكەري بروندى ماشينالاردى كورسەتەدى
دەپ حابارلايدى قازاقپارات ءتىلشىسى.
«كاسىپورىن «بارىس» بروندى ماشيناسىنىڭ 6x6 جانە 8x8 دوڭگەلەكتى فورمۋلاسىنداعى ۇلگىلەرىن، سونىمەن قاتار 4x4 دوڭگەلەكتى فورمۋلاسىنداعى «ارلان» جانە «الان» برونيەۆيكتەرىن كورسەتەدى. ەگەر «بارىس 8x8» الدىڭعى «KADEX-2018» كورمەسىندە رەسەيلىك «ا ۋ-220 م» جاۋىنگەرلىك مودۋلىنە ورنالاسقان 57-م م اۆتوماتتى زەڭبىرەگىمەن كورسەتىلسە، وسى جىلى ب د م وتاندىق ءوندىرۋشى «ك ا ە» ج ش س اسكەري مودۋلىمەن كورمەگە قويىلادى. ەكى جىلدىق زاۋىتتىق جانە كورسەتىلىمدىك سىناقتاردىڭ ناتيجەسىندە «بارىس 8x8» ءبىرقاتار كونسترۋكتورلىق، تەحنيكالىق جانە تاكتيكالىق وزگەرىستەردەن ءوتتى»، - دەپ اتاپ وتىلگەن ق ر قورعانىس جانە ايەروعارىش ونەركاسىبى مينيسترلىگى مالىمەتىندە.
«بارىس 6 x6» ەكى جىل بويىنا وتكەن تاجىريبەلىك- كونسترۋكتورلىق جۇمىستاردان كەيىن 82-ا ب ت ر- ءىنىڭ تۇراقتاندىرىلعان زەڭبىرەكتى- پۋلەمەتتىك قارۋ- جاراعىمەن سايكەستەندىرىلگەن جاۋىنگەرلىك بولىمشەسىمەن كورسەتىلەدى. كورمەنىڭ قوناقتارى ەڭ تانىمال قازاقستاندىق بروندى ماشينا «ارلاندى» ءارتۇرلى ۇلگىدە، مىسالى: «سارپ» جاۋىنگەرلىك مودۋلىمەن، قوسارلانعان 7,62 م م پكت پۋلەمەتى ورناتىلعان «سارپ- س» جەتىلدىرىلگەن جاۋىنگەرلىك مودۋلىمەن جانە بارلاۋ قوندىرعىسىمەن كورە الادى.
«كاسىپورىن العاش رەت كورمەدە كوپ ماقساتقا ارنالعان «الان» ب د م كورسەتپەك. ماشينا ءارتۇرلى مىندەتتى اتقارۋعا، ماسەلەن: قۇقىقتىق ءتارتىپتى ساقتاۋ، ارنايى جاساق جانە ايرىقشا ارەكەت ەتۋ توبىنىڭ وپەراتسياسىنا، ىشكى قاۋىپسىزدىككە، شەكارانى شولعىنداۋعا جانە قارۋلى قاقتىعىستى جويۋعا ارنالعان»، - دەپ ناقتىلانعان مينيسترلىك مالىمەتىندە.
«قازاقستان پاراماۋنت ينجينيرينگ» ج ش س ورتالىق ازياداعى وتاندىق بىرەگەي جانە يننوۆاتسيالىق كاسىپورىن بولىپ تابىلادى. زاۋىتتا شىعارىلاتىن بروندى ماشينالار ەڭ جوعارعى حالىقارالىق ستاندارتتارعا ساي جانە ءوزىنىڭ كەيبىر تاكتيكالىق- تەحنيكالىق كورسەتكىشتەرى جاعىنان شەتەلدىك انالوگتاردان اسىپ تۇسەدى. قازاقستاندىق بروندى ماشينالاردىڭ ەرەكشەلىكتەرى - ولاردىڭ سەنىمدىلىگىندە، موبيلدىلىگىندە جانە مىقتى قورعانىسىندا.
كاسىپورىن «ارلان» ب د م جانە «الان» ب د م- ءدى قازاقستان رەسپۋبليكاسى قورعانىس مينيسترلىگىنە جانە باسقا دا الەۋەتتى مەكەمەلەرگە جەتكىزۋ تۋرالى مەملەكەتتىك تاپسىرىستى تابىستى ورىنداۋدا.
ايتا كەتۋ كەرەك، قازاقستاندىق ارميانى قارۋلاندىرۋعا قابىلدانعان «ارلان» بروندى دوڭگەلەكتى ماشينالارى كورمە كەزىندە تەحنوالاڭدا وتەتىن كورسەتىلىمدەرگە قاتىسادى.
اۆتور: رۋسلان عابباسوۆ