مەن ونىمەن كۇرەسۋىم كەرەك: امەريكالىق بوكسشى گولوۆكيننىڭ ءالسىز تۇسىن اتادى
بۇل تۋرالى Sports.kz-كە سىلتەپ، Stan.kz اقپاراتتىق اگەنتتىگى حابارلايدى.
«جوعارى دەڭگەيدەگى سپورتشىمەن كۇرەسكەندە ءار جەكپە- جەكتىڭ جوسپارى ءار ءتۇرلى بولادى. بۇل كەزدە ەشكىم ەشتەڭە ىستەي المايدى. ياعني، تۇزەتۋلەر، وزگەرىستەر جاساۋ كەرەك. شايقاس كەزىندە گولوۆكين كۇشەيە تۇسكەندەي كورىندى. ءبىراق، ونىڭ شىنىمەن دە ايقاستى باياۋ باستايتىنىن بايقادىم. العاشىندا ول ءبىرىنشى سوققى العاندا وتە وسال. مەن ايقاس باستالا سالا سوققى بەرۋگە كىرىسەمىن. مۇنداي كۇرەسكە دايىن بولعاندىقتان مەن كوبىرەك الامىن» ، - دەدى چارلو.
بوكسشىنىڭ سوزىنە قاراعاندا، ول اقىلدى تاكتيكانى ۇستانۋدان گورى، توقتاماي سوققى بەرۋگە دايىن.
«كەيبىر جەكپە- جەكتە گولوۆكيننىڭ تاكتيكامەن ارەكەت ەتكەنىن كورگەن جوقپىن. ول «كانەلو» - عا قارسى تاكتيكالىق تۇردە ارەكەت ەتتى. تەك جەڭىلىپ بارا جاتقانىن تۇسىنگەننەن كەيىن ابىرجىپ قالدى. سوندىقتان بۇل ايقاستا ەكەۋى دە تەڭ ءتۇستى. جانكۇيەرلەر دە، مەن دە ايتەۋىر ءبىر تاماشا كۇنى ءبىزدىڭ ارامىزدا جەكپە- جەك وتەدى دەپ سەنەمىن. امەريكا ءۇشىن، ءبارى ءۇشىن ونىمەن جەكپە- جەككە شىعۋعا ءتيىستىمىن. ءوزىمدى مىقتىلاردىڭ ءبىرىمىن دەپ ساناۋىم ءۇشىن گولوۆكينمەن ايقاسۋىم كەرەك!» ، - دەيدى امەريكالىق بوكشى دجەرمالل چارلو.