قازاقستاندا قانشا سوعىس ارداگەرى قالدى

استانا. قازاقپارات - قازاقستاندا ەكىنشى دۇنيەجۇزىلىك سوعىسىنا قاتىسقان ەكى مىڭنان استام مايدانگەر قالدى، دەپ حابارلايدى قازاقپارات ق ر ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.

«2018-جىلعى 1- ساۋىردەگى جاعداي بويىنشا قازاقستان رەسپۋبليكاسىندا 2067 ۇ و س ارداگەرى، 140606 تىل ەڭبەككەرلەرى جانە 65817 ۇ و س ارداگەرلەرىنە تەڭەستىرىلگەن ادامدار جاردەماقى الىپ وتىر»، - دەلىنگەن مينيسترلىكتىڭ باسپا ءسوز قىزمەتى جىبەرگەن حابارلامادا.

ۇ و س ارداگەرلەرىنىڭ باسىم بولىگى الماتى قالاسىندا (387 ارداگەر)، شىعىس قازاقستان (246)، وڭتۇستىك قازاقستان (187) جانە قوستاناي (165) وبلىستارىندا تۇرادى. ال ولاردىڭ ەڭ از سانى اتىراۋ (29 ارداگەر)، قىزىلوردا (37)، ماڭعىستاۋ (36) وبلىستارىندا تىركەلگەن.

مينيسترلىكتىڭ حابارلاۋىنشا، ۇوس قاتىسۋشىلارى مەن مۇگەدەكتەرىنە اي سايىن زەينەتاقىدان بولەك، 16 ايلىق ەسەپتىك كورسەتكىش نەمەسە 38480 تەڭگە مولشەرىندە ارناۋلى مەملەكەتتىك جاردەماقى تولەنىپ وتىر.

سونداي-اق، وبلىستاردىڭ، استانا جانە الماتى قالالارىنىڭ اكىمدىكتەرىمەن ۇ و س- تاعى جەڭىستىڭ 73 جىلدىعىن مەرەكەلەۋ قارساڭىندا ۇوس قاتىسۋشىلارى مەن مۇگەدەكتەرىنە، ولارعا تەڭەستىرىلگەن ادامدارعا 2,7 ميلليارد تەڭگە ءبىر رەتتىك اقشالاي تولەمدەر بەرۋ كوزدەلگەن.